2 Timoteo 4:10 - Manobo Western Bukidnon

¹⁰ su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

2 Timoteo 4:10 Кръстосани препратки

Mateo 12:32

Sikan is edsumpalit kedì te Kakey te Menusiyà, egkepesaylu pa; iyan, sikan is edsumpalit te Wag̵as he Mulin-ulin, kenè en egkepesaylu te wazè din pidtemanan.

Mateo 26:56

Iyan, guntaan, human en egkeulaula heini is langun kayi su egketuman sikan is menge tagnà he insurat dengan te ebpemeneuven te Megbevayà.” Ne hein nekag̵i en ni Jesus haazà, mid-ewaan sikandin dutun te menge sumusundan din su nemelag̵uy zan is langun.

Lucas 14:33

Ne iring din ded daan,” ke si Jesus, “su sikiyu is edsundan kediey, kenè kew egkehimu he tutuu he menge sumusundan ku emun kenè egkeawà diyà te g̵ehinawa niw is ked-engkezi niw te langun he egkenug̵unan niw.”

Lucas 16:13

Ne mid-uman megkag̵i si Jesus te, “Is uripen, kenà egkehimu he zezuwa is teg̵iuripen kandin. Su emun dezuwa is ebayàbayà kandin, edtehuzen din is sevaha ne egkepeukan din is sevaha. Ne emun kenà, ne egkeepesan din is sevaha, ne ebmahalen din is sevaha. Ne iring din ded daan emun iyan mahal ziyà te g̵ehinawa nu is ketig̵eyunan, su kenà egkehimu he mahal zaan diyà te g̵ehinawa nu is Megbevayà.”

Lucas 17:32

Tentenuzi niw ke hengkey is nehitavù duen te esawa ni Lut.

Nengeulaula 13:13

Ne si Pablo wey is menge zuma zin, mid-awè dan dutun te inged he Pepus ne mid-untud dan te barku. Ne midhendiyè dan te prubinsya he Pempilya, diyà te inged he Pirga. Ne si Juan mulà, mid-ewaan din sikandan ne mid-ulì diyà te Hiruselim.

Nengeulaula 15:38

iyan, kenà mulà egkesuat si Pablo he mezuma si Juan Marcos su mid-engked sikandin he edtavang kandan ne mid-ewaan din sikandan dengan hein diyè dan te Pempilya.

Nengeulaula 16:6

Ne ziyè dan mekevayà te menge inged he ziyà te Perigya wey Gelasya su wazà sikandan tug̵uti te Wag̵as he Mulin-ulin he ibpesavut dan is Lalag te Megbevayà diyà te prubinsya he Asya.

Nengeulaula 17:1

Diyè dan mekevayà te menge inged he Empipulis wey Epulunya ne nekeuma zan diyà te inged he Tiselunika. Ne zuen dutun simbahan te menge Hudiyu.

Nengeulaula 17:11

Ne zeyzey is menge Hudiyu zutun te Biriya kenà te menge Hudiyu ziyà te Tiselunika su memetulanged dan mulà. Ne utew zan egkesuat he ebpemineg te impesavut kandan. Ne kada andew edsusiyen dan is insurat he Lalag te Megbevayà su ed-ahaan dan ke tutuu ve iyan haazà is ibpenurù eni Pablo.

Nengeulaula 17:13

Ne sikan is menge tigTiselunika he menge Hudiyu, hein nezineg dan he impesavut daan ni Pablo is Lalag te Megbevayà dutun te inged he Biriya, midhendutun dan ne midhimu zan he mengepauk engki Pablo is mezakel he menge etew.

Nengeulaula 18:23

Ne hein malù sikandin neug̵et dutun ne midlaus en maan. Mid-eneb din is menge prubinsya he Perigya wey Gelasya ne midheg̵etan din is kedtuu te menge sumusundan ni Jesus dutun.

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.

2 Kurintu 7:6

Iyan, is Megbevayà he metau he edlipey te egkengeseeng, midhimu zin he meupiya is gehinawa zey pinaag̵i te kebpekeuma ni Tito.

2 Kurintu 8:16

Dekelà is kebpeselemati zey te Megbevayà su imbeg̵ey zin ki Tito is dekelà he g̵ustu te kedtavang keniyu iring te kenami zaan he g̵ustu.

2 Kurintu 8:23

Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

2 Kurintu 8:6

Ne g̵eina te iyan si Tito nemuunà te vaal ziyan te keniyu te kebpenguwaa te idtavang niw ziyà te menge tumutuu he tigHudiya, midsembag̵an dey sikandin he ipelaus din en su wey kew zin metevangi te kedhimesaza kayi te ulaula mehitenged te g̵ag̵ew niw.

Pilipus 2:21

Is duma, ne iyan dà egkeisip dan is kandan dà he egkesuatan, ne kenà iyan is egkesuatan ni Jesu Kristu.

1 Timoteo 6:10

Su ke zuen etew he susuaten te selapì ne egkehimu he egkeulaula kandin is minsan hengkey he mezaat. Pinaag̵i kayi neiniyug̵an te zuma is tuluuwen tew ne tenged kayi nehimu he utew mezakel is menge keseengan dan.

1 Timoteo 6:17

Is menge tumutuu he mezakel is menge azen dan, keg̵iyi nu he kenè dan mebpelavew wey kenè dan medsarig te menge azen dan su kenè ta egketuenan ke keenu ki egkeewai te menge azen ta. Keg̵iyi nu he iyan dan serig̵i is Megbevayà su iyan sikandin metulanged. Is minsan hengkey he naazen ta, imbeg̵ey zin kenita wey mebmeupiya is kebpekesavuk ta.

2 Timoteo 1:15

Netuenan nu en he is langun he menge tumutuu zini he ebpuun te prubinsya he Asya, wazè e zan tevangi. Elin dutun si Pihilu wey si Hirmuhinis.

2 Timoteo 4:16

Dutun te nehuna he ked-imbistiga kedì wazà minsan hentei he midtavang mebpenistig̵us kediey su mid-ewaan a zuen te langun. Id-ampù ku he mepesaylu sikandan te Megbevayà.

Pilimun 1:24

Ebpengemusta zaan keniyu ensi Marcos, si Eristarku, si Dimas, wey si Lucas. Menge timbang ku sikandan kayi te ebpeveelan te Megbevayà.

2 Pedro 2:15

Nengetazin en is isip dan su midsuwey zan en te tutuu he ibayà. Iyan ibayà he ed-ikulen dan is mezaat he paag̵i zengan ni Belaam he anak ni Busur. Iyan dekelà diyà te g̵ehinawa ni Belaam is selapì he idsuhul kandin ke mezaat is ed-ul-ulahan din.