2 Timoteo 2:5 - Manobo Western Bukidnon

⁵ Is sulug̵uen te Megbevayà, ne iring te ibanggà. Ne is ibanggà, kenà ebpekezaag ne kenà ebeg̵ayan te suhul emun kenè din edsunuzen is belaud te kebpekibanggà.

2 Timoteo 2:5 Кръстосани препратки

Lucas 13:24

“Himuwa niw is taman te egkehimu niw wey kew mekeseled te melig̵et he g̵emawan he idselang dutun te valey he iyan is untung he wazà pidtemanan su egkeg̵iyen ku keniyu he mezakel is egkesuat pezem he edseled dutun, iyan, kenè dan ebpekeseled.

Pilipus 1:15

Is duma, ne iyan idsengyawa zan te impenurù ni Kristu is: tenged te nesina zan kediey ne wey e zan melevawi. Iyan, duen duma he iyan idsengyawa zan te menge penurù ni Kristu su igkesuat dan heini te ebpenudtul.

Kulusas 1:29

Siak, ebpenigudu a ebaal he edlig-enan te zekelà he zesen ni Kristu su wey metuman heini.

Hibriyuhanen 12:4

Su netuenan niw he zutun te kedsukuli niw te mezaat he ulaula, wazà minsan hentei keniyu he midhimetayan tenged te kedtuu zin.

Hibriyuhanen 2:7

Midhimu nu he lavew kandin is menge velinsug̵uen nu, iyan, taman te mevavè dà he timpu su migkag̵i nu he zuen timpu keuzemà he kinahanglan he edtulusen wey edtehuzen is menusiyà.

Hibriyuhanen 2:9

Ne minsan pa zutun, mibpeetew si Jesus ne pinaag̵i kayi midhimu he lavew kandin is menge velinsug̵uen taman te mevavè dà he timpu su wey tenged te zekelà he g̵ag̵ew te Megbevayà, mebpehimatey sikandin he elili te tivuuk he menusiyà. Ne tenged kayi te kebpehimatey zin, ne nehimu en sikandin guntaan he utew telehuzen wey utew belentug̵en ne imbeg̵ey kandin te Megbevayà is kebayàbayà te minsan hengkey.

Santiago 1:12

Utew zeyzey is etew he ebpurung ed-antus te penggezam kandin su emun egkeahà he hustu is kedtuu zin, ebeg̵ayan sikandin te untung he wazà pidtemanan he iyan impenaad te Megbevayà diyà te langun he ebmahalen dan sikandin diyà te g̵ehinawa zan.

1 Pedro 5:4

Ne emun edlikù si Jesus, sikan is lavew he ed-elima te menge kerehidu te Megbevayà, duen idsuhul zin keniyu he iyan is kebpekeambit niw te utew zin kegkelavew he kenà egkehanew.

Impezayag 2:10

Kenè kew mahandek te meg̵aan niw en igkerasey. Si Setanas, meg̵aan din en ibpepirisu is duma keniyu su ebpenulayen kew zin. Ne seled te sepulù he andew ebpekeantus kew te kemereg̵enan. Mebmetinumanen kew te menge sug̵ù ku taman te kemetayen su ebeg̵ayan ku sikiyu te kuruna he iyan is untung he wazà pidtemanan.

Impezayag 3:11

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.

Impezayag 4:10

keluwaan wey heepat he ebmeg̵urangen diyà te etuvangan din ne ed-ezapen dan is wazè din kemetayen he Megbevayà. Ne haazà is menge kuruna zan, idsavuk dan dutun te etuvangan te pinuuwà su ibeg̵ey zan diyà te Megbevayà. Ne zutun te kedsevuka zan dutun, edhabet dan egkag̵i te,

Impezayag 4:4

Ne zuen daan dutun keluwaan wey heepat he pinuuwà he nekeelingkus dutun te pinuuwà te edhadì. Ne zutun ebpememinuu is keluwaan wey heepat he ebmeg̵urangen. Meputì is bisti zan ne zuen insuup diyà te ulu zan he menge kuruna he vulawan.