2 Timoteo 2:23 - Manobo Western Bukidnon

²³ Iyan, kenè ka penlavetlavet dutun te menge winalì wey pinaglung he ed-istudyuwan. Netuenan nu en he iyan haazà puunà te kebpekid-eg̵et.

2 Timoteo 2:23 Кръстосани препратки

1 Timoteo 1:4

wey med-engked dan te ked-istudyu te menge sayep he menge g̵ug̵ud, wey te menge melug̵ayad he g̵ug̵ud te kepuun te menge etew. Su emun iyan heini ed-istudyuwan dan ebpekidlewanè dan dà ke hengkey is hustu. Kenà egkehimu he pinaag̵i kayi egketuenan ta is ibpesavut te Megbevayà pinaag̵i te kedtuu.

1 Timoteo 4:7

Iyan, likayi nu is menge penurù he menge tarù he g̵ug̵ud he kenà dait te Megbevayà. Purungi nu tumana is egkesuatan te Megbevayà.

2 Timoteo 2:14

Keg̵iyi nu is menge tumutuu he kenè dan melipati heini is langun. Iyan nu itelaan kandan he ibpetistig̵us is Megbevayà he likayi zan is kebpekidlawan he winalì mehitenged te kehulug̵an te menge lalag su wazè din pulus ne ebpekezezaat te kedtuu te ebpekezineg duen.

2 Timoteo 2:16

Likayi nu is winalì he kebpenurù he kenà egkesuatan te Megbevayà, su pinaag̵i zutun ed-iseg is kenà kedtahud kandin te menge etew.

Tito 3:9

Iyan, likayi nu is winalì he kebpekidlewanà te menge etew. Likayi nu zaan is ked-istudyu te menge g̵ug̵ud te menge ngazan te menge kepuun te etew he iyan baal zan. Ne elin nu zaan likayi is kebpekid-eg̵et dan mehitenged te kedtumana te kesug̵uan he imbilinbilin ni Moises. Wazà pulus te langun kayi su ebpekezezaat.

Santiago 4:1

Hengkey is puunà te menge kesevaan wey tebek diyan te keniyu? Iyan is menge mezaat he kebayè niw he ebpekigkuntada te meupiya he ulaula.