2 Timoteo 1:7 - Manobo Western Bukidnon

⁷ Su is Mulin-ulin he impeulin kenita te Megbevayà, kenè ta igketalew, kekenà, edlig-enan ki zin wey ebeg̵ayan ki zin te zesen su wey mehimu he ebmahalen ta is menge zuma ta wey edtengkaan ta is langun he ed-ul-ulahan ta.

2 Timoteo 1:7 Кръстосани препратки

Lucas 10:19

Tentenuzi niw heini he mibeg̵ayan ku sikiyu te g̵ehem he minsan ke ebpekeg̵iek kew te uled wey venayew ne kenè kew edhereg̵en. Ne kenè kew zaan egkezaag te g̵ehem te ukag tew he si Setanas ne wazà minsan hengkey he ebpekekaid keniyu.

Lucas 15:17

Ne hein neug̵et dutun ne nekepurung sikandin mekeisip-isip. Ke sikandin te, ‘Langun te menge sulug̵uen te amey ku ne idsegkayè dan is egkeenen, iyan, siaken heini, ne egkeumes e en te vitil.

Lucas 24:49

Ne edsug̵uen ku zini te keniyu is Wag̵as he Mulin-ulin he impesarig te Amey ku he Megbevayà. Iyan, dini kew tag̵ad te inged he Hiruselim taman te kenè kew pa egkevulusan te g̵ehem din he ebpuun te langit.”

Lucas 8:35

Ne is menge etew he nekezineg dutun te tudtul, ne nemenhendutun dan te ki Jesus su ed-ahaan dan. Ne neehè dan dutun kes neulian he ziyà mebpinuu te etuvangan ni Jesus he midsun-ud en te ugelingen, ne hustu en is ked-isip-isip din. Ne tenged dutun utew zan en nengeinuinu.

Juan 14:27

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Nengeulaula 1:8

Iyan,” ke si Jesus, “ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan.”

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Nengeulaula 21:13

Iyan, midtavak si Pablo te, “Maan is edhimuwen niw he utew a meseeng pinaag̵i te kedsineg̵ew niw? Su emun intug̵ut en te Nengazen tew he si Jesus he iyan heeyan egkehitavù kedì, andam ad, kenà te kebpepirisu zà, kekenà, minsan te kebpehimatey ziyà te Hiruselim.”

Nengeulaula 26:11

Kenè en egkepangkus is kebpesiluti ku kandan diyà te menge simbahan su ebpeg̵esen ku pezem sikandan he engkezi zan is kedtuu zan. Ne tenged te utew ku sikandan nepeuki, mid-alew ku sikandan minsan diyà te menge meziyù he inged wey ku sikandan mesiluti.

Nengeulaula 26:25

Ne midtavak si Pablo te, “Minahal he Pistu, is lalag ku, kenà lalag te ebuneg̵en, kekenà, tutuu.

Nengeulaula 6:8

Ne si Esteban, midtuvazan sikandin te Megbevayà ne zekelà is gehem din. Mezakel is menge egkein-inuwan wey menge singyal he ingkepeehè din diyà te menge etew.

Nengeulaula 9:22

Ne si Seulu, mid-iseg is gehem din te kebpesavut te Lalag te Megbevayà ne kenà sikandin egkezaag te menge Hudiyu ziyà te Demasku su melig-en is menge ketezengan din he si Jesus, iyan sikan is mibpilì te Megbevayà he ibpahadì.

Ruma 5:5

Ne umba kenà egkehimu he kenè tew egkekuwa keuzemà is impenaad kenitew te Megbevayà su pinaag̵i te Wag̵as he Mulin-ulin he imbeg̵ey zin kenitew, egketuusan ta he ingkeg̵ag̵ew ki te Megbevayà.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

1 Kurintu 2:4

Ne hein midlelag̵an ku sikiyu wey impesavut ku keniyu is Lalag te Megbevayà, wazè ku iyan gemita is ketau te kegkag̵i wey is menge mekempet he lalag. Su is Wag̵as he Mulin-ulin, iyan mibpirma te egkeg̵iyen ku pinaag̵i te g̵ehem din

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Kulusas 1:8

Midtudtul zin kenami he zekelà is gag̵ew niw te menge zuma tew he tumutuu tenged te mid-ulinan kew te Wag̵as he Mulin-ulin.

Hibriyuhanen 2:15

ne wey pinaag̵i kayi metevangi kiw zin ne libriya kiw zin te kemetayen. Su zengan te wazè kiw pa libriya, kenà egkeawà dini te kenitew is kegkehandek te kemetayen ne iring te menge uripen kiw zutun te kegkehandek.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Juan 4:18

Ne is minsan hentei he ebmahalen te Megbevayà, wazà kinahanglan he egkehandek sikandin te Megbevayà. Ne g̵eina te wazà kurang te kebmahala kenitew te Megbevayà in-awè din en is kegkehandek tew kandin. Umba egkehandek is etew su egkeperateng din is silut kandin te Megbevayà, iyan, sikan is etew he egkehandek te Megbevayà, wazè pa meheg̵et diyà te isip din is kebmahala kandin te Megbevayà.