2 Timoteo 1:4 - Manobo Western Bukidnon

⁴ Ne emun egketenuzan ku is kedtig̵is te luhè nu zutun te ked-ewai ku kenikew, utew a kenikew ebulunga ne utew a egkesuat he meked-uman ki meked-uma wey a utew melipey.

2 Timoteo 1:4 Кръстосани препратки

Juan 16:22

Iring din ded daan, egkeseeng kew g̵untaan, iyan, dutun te kebpeked-uman tew kebpeked-aahà, utew kew zutun egkelipey, ne wazà minsan hentei he egkeawè din is kelipey niw.

Juan 16:24

Wazè niw pa mibuyù diyà te kandin ebpuun te kedtuuwi niw kediey. Buyù kew wey kew mekezawat su wey kew utew melipey.

Nengeulaula 20:19

Midtuman ku is ebpeveelan kedì te Megbevayà ne wazà a mebpelavew. Mibpenig̵is is menge luhè ku tenged te mahal kew zini te g̵ehinawa ku. Mezakel is kemereg̵enan wey kemeresayan he neulaula ku tenged te menge pesipala he mibeelan kediey te menge iring ku he Hudiyu.

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

Pilipus 2:26

Umba ibpehendiyan ku su utew sikandin ebulunga keniyu ne utew inmezaat te g̵ehinawa zin is nezineg niw he tudtul he nezeruwan sikandin.

1 Tiselunika 2:17

Ne sikami, menge suled, hein neewaan dey sikiyu seled te meg̵aan dà, wazè dey sikiyu melipati, kekenà, utew key ebulunga keniyu ne layun key pezem egkesuat he ebpenumbaley ziyan.

2 Timoteo 4:21

Gaanggaan ka hendini te kenè pa tipenguzan. Ebpengemusta kenikew ensi Yubulu, si Pudinti, si Linu, si Claudia, wey is langun he menge tumutuu zini.

2 Timoteo 4:9

Himuwa nu is taman te egkehimu nu wey ka meg̵aan mekehendini

1 Juan 1:4

Ne tenged dutun ebpesuratan ku sikiyu te iring kayi su wey meheg̵et is kelipey tew.

Impezayag 21:4

Ebpemunasen din en is menge luhà diyà te menge mata zan ne zutun wazè en maan ebpatey, ne wazè en maan ebpekesineg̵ew wey ebpekelelendag. Ne wazè en maan minsan hengkey he ibpekeantus su nahanew en man is nehuna he kelibutan.”

Impezayag 7:17

Su is nati he kerehidu he ziyà te teliwazà te pinuuwà te edhadì, iyan sikandin ed-elima kandan. Ibpeturedu zin kandan is ebpuunan te menge wahig he ebpekeveg̵ey te untung he wazà pidtemanan. Ne is Megbevayà, id-awè din en is keseengan kayi te menge etew,” ke sikandin.