2 Timoteo 1:16 - Manobo Western Bukidnon

¹⁶ Iyan, berakat he mehizuwi te Nengazen si Unisipuru wey pemilya zin. Su layun e zin edtevangi kayi te menge keseengan ku. Wazè din ikeeled is kebpenumbaley zin kedì te pinirisu,

2 Timoteo 1:16 Кръстосани препратки

Mateo 25:17

Iring din ded daan sikan is sulug̵uen he mibeg̵ayan te zezuwa he libu he pisus, su netig̵ayun daan te zezuwa pa he libu.

Mateo 5:7

Utew zeyzey sikandan is hihizuwen te menge zuma zan su is Megbevayà egkehizu kandan.

Nengeulaula 21:33

Ne haazà is kepitan, mibeyaan din si Pablo ne midakep din ne insug̵ù din he hiketi sikandin te zezuwa he kedina. Ne zutun in-insè din te menge etew ke hentei haazà is etew ne hengkey is salè din.

Nengeulaula 28:20

Umba mibpenenawag a keniyu su wey a mekepekidlalag keniyu. Su nepusasan a tenged te kedtuu ku te hadì he ibulus he ebpeebuten tew te menge Hudiyu.”

1 Kurintu 16:18

Inmeupiya sikandan te g̵ehinawa ku iring te inmeupiya zaan sikandan te g̵ehinawa niw. Tehuza niw is menge iring kayi he etew.

Ipisu 6:20

Umba nehimu a he sulug̵uen te Megbevayà su wey ku ikepenudtul heini is Meupiya he Tudtulanen. Ne tenged daan kayi te kebpenudtul ku, nehimu a he pirisu. Umba, menge suled, iampù a su wey kenà a mahandek te kebpenudtul su iyan heini ketengdanan he imbeg̵ey kediey te Megbevayà.

2 Timoteo 1:12

ne tenged kayi egkeantus ku g̵untaan heini is kemeresayan. Ne minsan pa zutun, netuenan ku ke hentei sikandin is midserig̵an ku, ne netuenan ku zaan he taman te andew keuzemà he edsusiyen din is nengeulaula te menusiyà, metau sikandin he ebantey te langun he insarig din kediey.

2 Timoteo 1:17

kekenà, dutun dà te kebpekeuma zin dini te Ruma, mibpeniguduwan e zin pen-ahaa taman te neturedu e zin.

2 Timoteo 1:18

Id-ampù ku layun he mehizuwi sikandin te Nengazen keuzemà te andew te kedsusi te Nengazen te langun. Ne netuenan nu en daan he zekelà is kedtevangi zin kedì diyan te Ipisu.

2 Timoteo 1:8

Ne tenged dutun kenè nu ikeeled is kebpenurù nu mehitenged te Nengazen tew ne kenà a zaan kenikew ikeeled is gaked din wey nepirisu tenged te kedsengyawa kandin, kekenà, pinaag̵i te g̵ehem te Megbevayà he idtavang kenikew, ambit ka zaan kayi te ked-entusa ku te kemeresayan tenged te kedsengyawa te Meupiya he Tudtulanen.

2 Timoteo 4:19

Ipengemusta a ki Priscila, ki Ekilu, wey ki Unisipuru wey is pemilya zin.

Pilimun 1:20

Ne tenged kayi, Geli, edhengyuan ku sikew he ikehizu a kenikew su telesuled ki pinaag̵i te kedtuu ta te Nengazen. Himuwa nu heini wey a melipey su telesuled ki pinaag̵i ki Kristu.

Pilimun 1:7

Utew ku ingkelipey, Geli, is kebmahala nu te menge zuma tew he tumutuu. Ingkeheg̵et heini te kedtuu ku su pinaag̵i kenikew nengelipey is gehinawa te menge etew ziyan he g̵aked te Megbevayà.

Hibriyuhanen 10:34

Ne nehizuwan niw, ne midtevangan niw is menge tumutuu he nengepirisu. Ne minsan pa te mibpen-ileg te menge etew is langun he menge azen niw, midlipey kew gihapun su netuenan niw he zuen azen niw he utew pa meupiya ziyà te langit he kenà egkeileg diyà te keniyu te wazè din pidtemanan.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.