2 Pedro 3:7 - Manobo Western Bukidnon

⁷ Ne haazà is Lalag te Megbevayà he iyan inlimbag din dengan, pinaag̵i zutun midteg̵enahan din en is langit wey tanà su wey melimas din te hapuy keuzemà dutun te andew te kedsusiya zin wey kedsiluti zin te menge etew he wazè dan kedtahud kandin.

2 Pedro 3:7 Кръстосани препратки

Mateo 10:15

Kenè niw lipati heini he lavew pa is idsilut te Megbevayà dutun te inged emun egkeuma keuzemà is andew te kedsilut, kenà te silut din dengan diyà te menge lalung he etew he meg̵inged diyà te inged he Suduma wey te inged he Gumura.

Mateo 11:22

Kenè niw lipati he zutun keuzemà te andew te kedsusi te Megbevayà te menusiyà, lavew is idsilut din keniyu kenà te menge etew ziyà te Tiru wey Sidun.

Mateo 11:24

Kenè niw lipati he keuzemà te andew te kedsusi te Megbevayà te menusiyà, lavew is silut din keniyu kenà te menge tigSuduma.”

Mateo 12:36

Egkeg̵iyen ku keniyu he zutun keuzemà te andew te kedsusi, ed-insaan te Megbevayà is minsan hentei, ke maan is nekekag̵i sikandin te wazà pulus he menge lalag.

Mateo 24:35

Egkehanew is langit wey tanà, iyan, heini is migkag̵i ku, kenà mulà egkehanew te minsan keenu.

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Marcos 6:11

Ne ke zuen inged he kenè kew zuen igalewg̵alew wey kenè dan ebpemineg̵en is ibpesavut niw, ne tektaka niw is eliyavuk diyà te menge paa niw he iyan lag̵uy he edsilutan sikandan te Megbevayà.”

Juan 12:48

Is etew he kenà edawat kedì ne kenà edtuman te menge penurù ku, edhukuman sikandin te silut keuzemà dutun te ketepusan he andew, su iyan idsiluti kandin is menge penurù ku he wazè din dewata.

Ruma 2:5

Ne minsan pa zutun, mezesen pa utew is gehinawa nu ne kenè ka egkesuat he ed-iniyug te mezaat he ulaula; ne kada andew ed-iseg ebmeveg̵at is silut he idrasey kenikew keuzemà dutun te andew te kedsilut te Megbevayà. Ne zutun he timpu ibpeehè din kenitew is metazeng he kedhukum din.

1 Kurintu 3:13

Ne keuzemà dutun te andew te kedsusi te Nengazen te menusiyà, egezaman is baal te kada sevaha he tumutuu su wey metueni ke hustu ve wey ke kenà. Egezaman pinaag̵i te hapuy ne haazà is baal he iring te kayu wey karan wey ventung ne egkeawà. Ne haazà is baal he iring te vulawan, wey selapì, wey menge mahal he vatu, ne kenà mulà egkeawà.

Pilipus 1:28

Ne egketudtulan a zaan he kenè kew egkehandek te menge kuntada niw. Su emun kenè kew egkehandek kandan egkesavut dan he iyan sikandan edsilutan ne iyan kew ebeg̵ayan te untung he wazè din pidtemanan su ibpesavut kandan heini te Megbevayà.

2 Tiselunika 2:3

Kinahanglan he kenè niw tuuwi is minsan hengkey he lalag te minsan hentei he teruen he etew. Su haazà is andew, ne kenè pa egketuman emun wazè pa mehitavù is kedsukul te menge etew ziyà te Megbevayà. Ne zutun ibpeg̵awag̵awa sikan is etew he lavew he mesinupaken. Iyan imbanglis kandin is kegkeimpirnu.

1 Timoteo 6:9

Is menge etew he egkesuat he medsepian, melemu sikandan egkepenulayi wey egkeseleizi. Mezakel is menge suat dan he wazà pulus ne ebpekezezaat heini. Ebpekezezaat heini kandan wey egkehimu zaan he ibpatey zan heini.

Hibriyuhanen 12:29

su is Megbevayè tew, iring te utew meinit he hapuy is kedsilut din.

2 Pedro 2:9

Iyan, is menge etew mulà he ed-azap te Nengazen, metau sikandin he edtavang kandan wey kenè dan mekesalà ke ebpenulayen sikandan. Metau zaan sikandin he ebakus te menge nemematey he lalung su wey itag̵ad sikandan taman te andew te kedsiluti zin kandan.

2 Pedro 3:10

Ne minsan pa zutun, edtumanen gihapun te Megbevayà is kedlimasa zin te kelibutan. Egketik-awan is menusiyà he iring te kegketik-awi kandan te tekawen. Dutun he andew egkezineg is kerekatak ne egkehanew is langit. Egkeg̵evà ne egkeamin egketutung is minsan hengkey. Egkevinsulan is tivuuk he kelibutan wey is langun he tag̵ù din.

2 Pedro 3:12

Su edteg̵azan ta is andew te kedlimasa te Megbevayà te kelibutan. Edhimuwen ta is taman te egkehimu ta su wey meg̵aan metuman. Dutun he andew egkeamin egketutung is langit, wey egkengetunew is langun te utew meinit.

1 Juan 4:17

Edheg̵etan din is kebmahala tew kandin dini te g̵ehinawa tew su wey wazè tew kehandek keuzemà dutun te andew te kedsusiya zin te nengeulaula te tivuuk he menusiyà. Umba kenè kiw egkehandek su iring te metazeng is menge ulaula ni Kristu, metazeng daan is kenitew he ulaula zini te kelibutan.

Hudas 1:7

Isipa niw zaan is menge meg̵inged dutun te menge inged he Suduma wey Gumura wey is menge inged he uvey zutun. Neiringan dan haazà is menge velinsug̵uen su utew subra is mezaat he menge ulaula zan. Is menge maama zutun, ne kenà iyan dà is menge vahi midhilevetan dan, kekenà, neked-eerig̵è dan is pudu menge maama ne tenged dutun midsilutan sikandan te hapuy ne nehimu haazà he petizaan te Megbevayà te langun keuzemà he edsilutan din te hapuy he kenà egkeevukan.

Impezayag 17:11

Ne is kehulug̵an dutun te langgam he zengan uuyag ne g̵untaan minatey, ne ikewalu sikandin he hadì he edsunud dutun te pitu he hadì. Ne edsilutan sikandin daan keuzemà diyà te Impirnu.

Impezayag 17:8

Heeyan is langgam he egkeehè nu, ne zini sikandin te kelibutan dengan, iyan, wazè en guntaan. Ne meg̵aan en maan edlepew he ebpuun te vitu he wazà pidtemanan is kezalem din, ne zutun te kedlepew zin, id-agbur sikandin diyà te Impirnu su edsilutan. Ne is langun he menge etew he zengan te wazè pa limbag̵a is kelibutan, wazà isurat is menge ngazan dan diyà te libru he zutun ilista is langun he ebeg̵ayan te untung, utew zan egkengeinuinu zutun te ked-ehè dan te langgam. Iyan igkengeinuinu zan su haazà is langgam, dengan uuyag ne minatey en guntaan, iyan, egkevanhew zed.

Impezayag 20:11

Ne zutun neehè ku is dekelà he meputì he pinuuwà te edhadì ne neehè ku zaan is ebpimpinuu zutun. Naawà is langit wey tanà diyà te etuvangan din ne nahanew ne kenè en maan sikandan egkeahà.

Impezayag 21:1

Ne zutun neehè ku is beg̵u en he langit wey tanà su nahanew en is nehuna he langit wey nehuna he tanà ne wazè en maan dag̵at.