2 Pedro 3:17 - Manobo Western Bukidnon

¹⁷ Minahal ku he menge suled, geina te netuenan niw en heini he zaan, andam kew su wey kenè kew meketuu te menge tarù he ibpenurù te menge lalung he etew ne egkelipatan niw is tutuu he tuluuwen he midtuuwan niw.

2 Pedro 3:17 Кръстосани препратки

Mateo 16:11

Maan is wazè niw mesavut he kenà supas is egkeg̵iyen ku? Andam kew wey kew mekelikey te tapey te menge Perisiyu wey Sedusiyu.”

Mateo 16:6

Hein nekerapas dan en, duen sempità he impezineg kandan ni Jesus. Ke sikandin te, “Andam kew wey niw melikayi is tapey te menge Perisiyu wey Sedusiyu.”

Mateo 7:15

Likayi niw is menge ebpeneuven kun te Megbevayà he tarù is ibpenurù dan. Henduen be te hustu sikandan he tumutuu te Megbevayà, iyan, ebpekezezaat is ibpenurù dan.

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Nengeulaula 2:42

Ne te kada andew ebpemineg dan te ibpenurù kandan te menge epustul. Mibpekid-upakat dan te langun he menge tumutuu ne mibeelan dan te tedeman is kebpatey ni Jesus pinaag̵i te kegkaan te supas ne layun dan ed-ampù.

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

1 Kurintu 10:12

Ne tenged kayi, haazà is etew he egkeisip din he mezesen en is kedtuu zin, ne kinahanglan he purungi zin pa heg̵eta is kedtuu zin su kela ke mekesalà sikandin gihapun.

1 Kurintu 15:58

Na, menge mahal ku he menge suled, geina te iyan heini, heg̵eta niw is kedsarig niw te Megbevayà su wey wazà ebpekezezaat te kedtuu niw. Peniguduwi niw tumana is ebpeveelan keniyu te Nengazen; hag̵ù kew te taman te egkehimu niw su netuenan niw he emun iyan edtumanen niw is ebpeveelan te Nengazen, kenà egkehimu he wazà pulus te vaal niw.

2 Kurintu 11:3

Egkeipeng a keniyu su kela ke meengkezi niw is kebpurungi niw kedtumana te menge sug̵ù ni Kristu su kela ke mesahug is kedtuu niw te selakew he edtuuwen. Kela ke meiringi niw si Ibà dengan su mid-akalan sikandin te teruen he uled he iyan si Setanas.

Gelasya 5:4

Is minsan hentei keniyu he kunaan din ke pinaag̵i te kedtumana te kesug̵uan is kebpeketezenga kandin te Megbevayà, nekesuwey en sikandin ki Kristu. Neewaan din en is gag̵ew te Megbevayà kandin.

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

Pilipus 3:2

Likayi niw is menge kuntada te Megbevayà he mezaat is ulaula zan he iyan is menge Hudiyu he ebpenurù he iyan egkesuatan te Megbevayà is kebpelii niw te lawa niw.

Kulusas 2:5

Su minsan te wazà a g̵untaan diyan te keniyu, layun ku sikiyu ed-isipa. Igkelipey ku sikiyu su netuenan ku he mibpurungan niw te ed-ulaula is meupiya he ulaula wey melig-en daan is kedtuu niw ki Kristu.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

2 Timoteo 4:15

Endami nu sikandin su utew mezesen is kedsumpelita zin te tuluuwen he ibpenurù ta.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

1 Pedro 5:9

Sukuli niw sikandin, ne hamen kew sarig te Megbevayà su netuenan niw he is menge zuma niw he tumutuu zini te tivuuk he kelibutan, ebpekeantus dan daan te merasey he iring te egkeantus niw.

2 Pedro 3:1

Minahal he menge suled ku, ikezuwa en heini te kebpesurati ku keniyu. Iyan tuyù ku kayi te kezezuwa ku kebpesurati keniyu is: wey kew mekeisip te hustu pinaag̵i kayi te menge sambag ku keniyu.

Impezayag 2:5

Tentenuzi niw sikan is kedekelaa niw zengan kediey ziyà te g̵ehinawa niw; iniyug̵i niw is mezaat he ulaula ne ul-ulaha niw is meupiya he mid-ulaula niw zengan su emun kenà, ebeyaan ku sikiyu. Ne id-awè ku is sulù niw ziyà te selevukè din emun kenè niw edlikuan is daan he ulaula niw.