2 Pedro 3:16 - Manobo Western Bukidnon

¹⁶ Ibpenurù din layun is andew te kedlimas diyà te langun he menge surat din. Duen daan ibpenurù ni Pablo he mereg̵en he edsevuten ne is menge etew he kenà edsavut te hustu wey wazà meheg̵et is kedtuu zan, edhelinen dan haazà is memereg̵en ne nesayep is kedseysaya zan duen iring te nesayep daan is kedseysaya zan te zuma he insurat he Lalag te Megbevayà. Ne tenged dutun edsilutan sikandan te Megbevayà.

2 Pedro 3:16 Кръстосани препратки

Mateo 15:3

Ne mid-insà daan si Jesus diyà te kandan te, “Ne sikiyu zaan, maan is, pinaag̵i te kedtumana niw te menge tuluuwen he imbilinbilin keniyu te menge apù niw, ne edsupaken niw is sug̵ù te Megbevaya?

Mateo 15:6

Ne zutun,” ke si Jesus, “sumalà is penurù niw, wazè en kinahanglan he ebeg̵ayan din pa te tavang is ginikanan din. Iyan heini paag̵i niw wey niw kenà metuman is Lalag te Megbevayà wey niw iyan metuman haazà is keniyu he penurù.

Mateo 22:29

Ne midtavak kandan si Jesus te, “Nengesayep kew utew! Iyan is wazè niw mesavut sikan is ingkengesurat he menge Lalag te Megbevayà ne wazè niw zaan mesavut he mekeg̵eg̵ehem is Megbevayà te kebpemanhew te menge minatey.

Pilipus 3:19

Siguradu egkeimpirnu sikandan su iyan ebayàbayà kandan is menge mezaat he kebayà te lawa zan. Ibmeupiya te g̵ehinawa zan is menge mezaat he ulaula, iyan, meupiya pezem ke igkeeled dan; ne iyan dan dà egkeisip is menge vutang he zini te kelibutan.

Hibriyuhanen 5:11

Dekelè pa is ibpesavut ku pezem keniyu mehitenged te kegkememumuhat ni Milkisidik wey ni Jesus, iyan, mereg̵en he edseysayen su kenè niw en egkesavut. Henduen be te kenè en ed-uteng diyà te isip niw.

Santiago 1:8

su zuwazuwa is ed-isipen din; kenè din edserig̵an is Megbevayà, ne kenà daan egkeserig̵an is minsan hengkey he ulaula zin.

1 Pedro 1:1

Iyan a si Pedro is teg̵isurat kayi. Epustul a ni Jesu Kristu, he ke và dà egkeg̵iya, sug̵ù din. Ebpesuratan ku sikiyu is nengaaram te Megbevayà he nemekedsuwey ziyà te g̵awas te inged niw. Is duma keniyu, ne ziyà mekepelag̵uy te prubinsya he Puntu, is duma, ne ziyà te menge prubinsya he Gelasya wey Kepedusya, wey Asya, wey Bitinya.

1 Pedro 2:8

Ne zuen daan tagnà he netuman he edhenduen te, “Iyan haazà sikan is batu he nesipà te menge etew; iyan haazà nekeseligkat kandan.” Wazè dan medtuu te Lalag te Megbevayà ne tenged dutun, sumalà is netagnà, nekeurambak sikandan su iyan imbanglis te Megbevayà dutun te kenà edtuu.

2 Pedro 2:1

Duen dengan menge teruen he etew he uvag kun ebpeneuven te Megbevayà ne iring din ded daan, duen menge etew he edlepew g̵untaan he ebpenurù te tarù diyan te keniyu. Sayep is ibpenurù dan te meeles ne ebpekezezaat heini te upakat niw te menge tumutuu. Ibpenurù dan he kenà Nengazen tew si Jesus he iyan pezem mibelukas kandan ne tenged dutun egketik-awan sikandan ke edsilutan dan.

2 Pedro 2:14

Egkeerig̵an dan te minsan hentei he vahi; kenà egkepenù is suat dan te mezaat he ulaula. Ebpeeyatan dan is menge etew he kenè pa ebpekesavut te hustu. Utew zan leg̵ezen, iyan, kenà egkehimu he kenà sikandan egkesilutan te Megbevayà.

2 Pedro 3:14

Na menge suled, geina te kemulu tew pa edteg̵azi haazà is andew, kinahanglan he ebpurungan tew edtengkai is menge ulaula tew su wey wazà igkesewayi kenitew te Megbevayà ne wey melinew is kedepità te uman sevaha kenitew ziyà te kandin.

2 Pedro 3:2

Egkesuatan ku he meisip-isip niw is menge lalag he insurat dengan te ebpemeneuven te Megbevayà wey is sug̵ù te Nengazen tew he Menluluwas tew he imbeg̵ey zin kenitew pinaag̵i kenami te menge epustul.

Hudas 1:4

Umba kinahanglan he egkeg̵iyen ku heini su zuen menge etew he nekeamur keniyu, iyan, id-eles dan he kenà hustu is edtuuwan dan. Wazè dan kedtahud te Megbevayà; edhelinen dan pezem is tutuu he tuluuwen su ibpenurù dan he egkehimu ke ed-ul-ulahan tew is meremerik su utew kun belig̵eg̵awen is Megbevayà ne ebpeseyluwen kiw zin gihapun. Kenè dan edtuu he si Jesu Kristu, iyan dà egalen tew wey Nengazen tew. Dengan dà isurat te menge ebpeneuven te Megbevayà ke hengkey is silut kandan.