2 Pedro 3:1 - Manobo Western Bukidnon

¹ Minahal he menge suled ku, ikezuwa en heini te kebpesurati ku keniyu. Iyan tuyù ku kayi te kezezuwa ku kebpesurati keniyu is: wey kew mekeisip te hustu pinaag̵i kayi te menge sambag ku keniyu.

2 Pedro 3:1 Кръстосани препратки

Mateo 5:8

Utew zeyzey sikandan is kenà egkezuwazuwa is gehinawa zan te kedtumana zan te meupiya he ulaula su iyan sikandan ebpekeahà keuzemà te Megbevayà.

2 Kurintu 13:2

Dutun te ikezuwa he kebpenumbelayi ku keniyu, sikiyu is memezaat is ulaula zengan, migkag̵i ku keniyu he emun kenè niw ed-engkezan haazà is memezaat he ulaula niw ne edsilutan ku sikiyu emun ebpekelikù a. Ne ed-umanan ku egkeg̵iya g̵untaan diyan te keniyu wey ziyà te minsan hentei pa he ed-ulaula te mezaat. Ke ebpekeuma a, wazà minsan hentei he ed-ulaula te mezaat he ebpekelikey te kedsiluti ku kandin.

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

2 Timoteo 1:6

Ne tenged dutun kenè nu lipati he kinahanglan he g̵emita nu is ketau nu he imbeg̵ey zengan kenikew te Megbevayà dutun te kedlilai ku kenikew pinaag̵i te kedempaa ku te purù nu.

Hibriyuhanen 6:9

Na, menge minahal ku he menge suled, minsan pa te iring kayi is menge lalag ku keniyu, netuenan ku he meupiya pa mulà is egkezungguan niw su netuenan ku he zekelà is pulus te kedlibriya keniyu te Megbevayà.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.

2 Pedro 3:14

Na menge suled, geina te kemulu tew pa edteg̵azi haazà is andew, kinahanglan he ebpurungan tew edtengkai is menge ulaula tew su wey wazà igkesewayi kenitew te Megbevayà ne wey melinew is kedepità te uman sevaha kenitew ziyà te kandin.

2 Pedro 3:17

Minahal ku he menge suled, geina te netuenan niw en heini he zaan, andam kew su wey kenè kew meketuu te menge tarù he ibpenurù te menge lalung he etew ne egkelipatan niw is tutuu he tuluuwen he midtuuwan niw.

2 Pedro 3:8

Minahal ku he menge suled, tentenuzi niw he ziyà te Megbevayà, neked-iring is sengeandew zà wey is nengkelibu he tuig su ziyà te kandin meg̵aan dà utew haazà is dezuwa.

Hudas 1:5

Netuenan niw en is egkeg̵iyen ku, iyan, ed-umanan ku pa egkeg̵iya ziyan te keniyu wey niw kenà melipati. Dengan midlibri te Megbevayà is menge pinilì din he etew ne impeg̵uwè din sikandan diyà te g̵inhedian he Ihiptu, iyan, dutun te nekeg̵uwè dan en, mibpenhimetayan din is duma kandan he wazà medsarig kandin.