2 Pedro 2:4 - Manobo Western Bukidnon

⁴ Su wazà pesegdana te Megbevayà minsan is menge velinsug̵uen din dengan he nekesalà, kekenà, intimbag din diyà te Iveyaan. Ne ziyè dan pa te utew merusirem he mibakus te kedina su idtag̵ad sikandan taman te andew te kedsilut.

2 Pedro 2:4 Кръстосани препратки

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Mateo 8:29

Ne mibensag̵an dan si Jesus, ke sikandan te, “Sikew is Anak te Megbevayà, edsilutan key ve kenikew te wazè pa meuma is midtelaan he timpu?”

Marcos 5:7

Ne si Jesus, migkeg̵iyan din haazà is mezaat he mulin-ulin te, “Awè ka keniyan te etew!” Ne zutun nengulahì haazà is etew he ke sikandin diyà te ki Jesus te, “Ey! Sikew is anak te utew lavew he Megbevayà, ebmenuwen a kenikew? Edhengyuen ku kenikew he peserig̵a a kenikew he kenè e pa kenikew siluti su kayi ki te etuvangan te Megbevayà!”

Lucas 10:18

Ne zutun migkeg̵iyan sikandan ni Jesus te, “Si Setanas, is egalen te menge mezaat he mulin-ulin, neehè ku is kegkezaag̵a niw kandin ne utew meg̵aan su iring te kilat he ebpuun te langit.

Lucas 8:31

Ne haazà is menge mezaat he mulin-ulin, midhangyù dan ki Jesus he kenè din pa sikandan iagbur ziyà te vitu he wazà pidtemanan te kezalem din.

Juan 8:44

Iyan amey niw si Setanas, ne is egkesuatan te amey niw, iyan daan egkesuatan niw he meveeli niw. Puun pa te puunà ne memumunù en si Setanas. Ne wazè din kelavet te tutuu he tuluuwen su wazà diyà te kandin is minsan hengkey he tutuu. Emun egkag̵i sikandin, ne tarù is lalag din su tarù dà is egkeisip din. Teruen man sikandin wey ziyà te kandin ebpuun is minsan hengkey he tarù.

Ruma 11:21

Su emun midtamped te Megbevayà is menge tutuu he menge subpang, he ke và dà egkeg̵iya, is menge Hudiyu, iyan kew pe be kenè din daan tempeza is subpang te wazà ipemula he ulivu ke kenè kew is kenà menge Hudiyu edtuu.

Ruma 8:32

Su minsan is Anak din he si Jesus, wazè din menug̵uni, kekenà, midsug̵ù din wey mekepehimatey he elili kenita. Ne emun iyan haazà gag̵ew zin kenita, kenà egkehimu he kenè din daan ibeg̵ey kenita is langun he impenaad din kenita.

2 Pedro 2:11

Ne minsan is menge velinsug̵uen te Megbevayà he lavew pa is gehem dan kenà dutun te menge teruen he menunudlù, kenè dan mulà ebpekeaku he edsudì te menge kedesenan emun idsumbung dan is menge kedesenan diyà te etuvangan te Megbevayà.

2 Pedro 2:5

Wazà daan pesegdana te Megbevayà is tivuuk he menusiyà dengan su impelapey zin is dag̵at ne nengelened is langun he wazè dan kedtahud kandin. Iyan dà midlibri zin si Noe he nekepenurù te metazeng he ulaula wey zuen pa pitu he etew he midlibri zin daan.

2 Pedro 2:9

Iyan, is menge etew mulà he ed-azap te Nengazen, metau sikandin he edtavang kandan wey kenè dan mekesalà ke ebpenulayen sikandan. Metau zaan sikandin he ebakus te menge nemematey he lalung su wey itag̵ad sikandan taman te andew te kedsiluti zin kandan.

1 Juan 3:8

Ke zuen etew he layun ed-ulaula te mezaat ne sakup sikandin ni Setanas su layun daan si Setanas ed-ulaula te mezaat puun pa te kedlimbag̵a te kelibutan. Umba midhendini te kelibutan is Anak te Megbevayà su wey zin ikeawà is gehem te menge ulaula ni Setanas.

Hudas 1:13

Iring daan sikandan te utew zezekelà he vag̵el ziyà te zag̵at ke zuen bagyu su iring is menge mekeeled-eled he ulaula zan te meremerik he vuràburà he ebpenlepew ziyà te veyvey. Iring sikandan te menge vituen he nekesuwey te hustu he nesevukan dan su kenè en egkeserig̵an is ibpenurù dan. Midteg̵ana te Megbevayà is utew merusirem he egkeubpaan dan te wazà pidtemanan.

Hudas 1:6

Isipa niw zaan is menge velinsug̵uen din dengan diyà te langit. Mid-engkezan dan is ketengdanan he imbeg̵ey zin kandan ne mid-ewaan dan is hustu he ed-ubpaan dan. Tenged dutun mibpirisu zin sikandan diyà te utew merusirem. Mibakus din te kedina he kenà egkezeetan te wazà pidtemanan su idtag̵ad sikandan taman te kenè pa egkeuma is andew keuzemà te kedsiluti zin kandan.

Impezayag 20:10

Ne zutun, is mid-akal kandan he si Setanas, intimbag sikandin diyà te ranew he egkeregreg te esupri he zutun itimbag sikan is langgam wey kes ebpeneuven ni Setanas ne zutun edresayen sikandan te maandew wey mezukilem te wazà pidtemanan.