2 Pedro 2:13 - Manobo Western Bukidnon

¹³ Utew merasey is silut he egkeantus dan keuzemà iring te merasey zaan is ibpeantus dan te menge etew. Iyan kelenganan he egkesuatan dan is kedtumana zan te minsan maandew pa te minsan hengkey he meremerik he kebayà te lawa zan. Igkeeled niw wey igkesudii sikandan keniyu su minsan ke ebpekidtug̵en dan keniyu ziyà te menge keemuran niw utew zan egkesuati is kedtarùtarù keniyu.

2 Pedro 2:13 Кръстосани препратки

Ruma 13:13

Ed-ul-ulahan tew is hustu su iyan heini ulaula he zait te menge etew he neteyawan te Megbevayà. Kenè ki en edtampu te ketig̵uman te ebpemelelangut ne kenè ta egkevuten is kenè ta esawa. Kenè ki ebpekid-eg̵et wey kenè ki egkesina.

Ipisu 5:27

Elin daan idhimuwa zin kayi su wey kiw zin mezawat he esawa zin. Ne wazè en igkesawey zin kayi te kenitew su nepurung kiw en melumpiyuwi ne utew kiw mekempet diyà te kandin.

Pilipus 3:19

Siguradu egkeimpirnu sikandan su iyan ebayàbayà kandan is menge mezaat he kebayà te lawa zan. Ibmeupiya te g̵ehinawa zan is menge mezaat he ulaula, iyan, meupiya pezem ke igkeeled dan; ne iyan dan dà egkeisip is menge vutang he zini te kelibutan.

2 Timoteo 4:14

Utew mezaat is mid-ulaula kedì ni Alejandro, sikan is pandey te tumbag̵a. Iyan ebales kandin is Nengazen.

Santiago 5:5

Dini te kelibutan utew meupiya is kebpekesavuk niw ne edlipey kew layun, iyan, iring kew g̵untaan te nati he ibpelambù he edlepaan su kunaan niw ke kenè kew egkesaut te andew te kedsilut.

1 Pedro 4:4

Iyan, guntaan, is menge etew he kenà edtuu te Megbevayà, utew zan egkeinuinu su maan is kenè kew en edtampu kandan te ed-ulaula te utew memezaat wey memahawag ne tenged dutun edsumpeliten kew zan.

2 Pedro 2:15

Nengetazin en is isip dan su midsuwey zan en te tutuu he ibayà. Iyan ibayà he ed-ikulen dan is mezaat he paag̵i zengan ni Belaam he anak ni Busur. Iyan dekelà diyà te g̵ehinawa ni Belaam is selapì he idsuhul kandin ke mezaat is ed-ul-ulahan din.

Impezayag 18:6

Is mid-ulaula zin keniyu he pesipala, iyan daan ul-ulaha niw kandin asal kezezuwa niw tekepa is menge vales niw kandin. Teg̵ayi niw is tasa zin te pauk te Megbevayà he ibpeinum kandin he kezezuwa edtekepa is kebpekelangut din kenà te impeinum din keniyu.