2 Pedro 2:12 - Manobo Western Bukidnon

¹² Iyan, heini is menge teruen he menunudlù, kenè dan egkeisip he igkehandek heini su zaan he ulaula zan is kedsudì. Iring sikandan te menge langgam he wazà keeled he iyan intuvad kandan is kedekepa wey kedhimetayi kandan. Edsumpeliten dan is kenè dan egkesavut. Ne iyan egkezungguan dan is kemetayen he wazà pidtemanan.

2 Pedro 2:12 Кръстосани препратки

Juan 8:21

Ne mid-uman megkag̵i si Jesus diyà te menge egalen te menge Hudiyu, ke sikandin te, “Ed-ewaan ku sikiyu ne ebpen-ahaan a keniyu, iyan, ebpematey kew zà duen he kenà egkepeseylu is menge salè niw. Ne ke hendei a ebpekepevayà kenè kew ebpeketelukun.”

Gelasya 6:8

Emun edtumanen te etew is kandin he egkesuatan, iyan egkezawat din is kemetayen he wazà pidtemanan. Emun edtumanen din is egkengesuatan te Wag̵as he Mulin-ulin, ibeg̵ey kandin is untung he wazà pidtemanan.

2 Pedro 1:4

Iyan heini kedtumana zin te penaad din he utew zekelà wey mahal is idtuvad din kenitew. Umba impenaad din heini su wey mekeiring is menge ulaula tew te menge ulaula te Megbevayà ne mekelikey kiw zini te kelibutan te kedtumana te menge mezaat he kebayè tew su ebpekezezaat heini kenitew.

2 Pedro 2:19

Egkeg̵iyen dutun te menge menunudlù he egkelibri ki pinaag̵i te kedsunuza kandan su idtug̵ut kun kenita is minsan hengkey he ulaula, iyan, nasì nengeuripen pa sikandan te menge ulaula he ebpekezezaat su netuenan ta he uripen is etew te minsan hengkey he ebpekevayàbayà kandin.

Hudas 1:10

Iyan, haazà is menge etew mulà he ebpenurù te tarù, edsumpeliten dan is kenè dan egkesavut. Iring sikandan te menge leew he langgam he kenà ebpekeisip-isip su is ulaula he egkesuatan te lawa zan, iyan edtumanen dan ne iyan haazà ebpekezezaat kandan.