2 Pedro 1:8 - Manobo Western Bukidnon

⁸ Ne emun ed-iseg layun is ked-ul-ulaha niw kayi te langun, kenà egkehimu he kenà utew zekelà is pulus te kedtuuwi niw te Nengazen tew he si Jesu Kristu.

2 Pedro 1:8 Кръстосани препратки

Mateo 13:22

Ne sikan is benì he ziyà mengeulug te tanà he zug̵iyen is menge sagbet dutun, iyan is Lalag te Megbevayà he iyan nemekezineg duen is menge etew he ebpemineg, iyan, egkelipatan dan tenged te menge seeng dan kayi te kelibutan wey tenged te kegkesuat dan te selapì. Ne tenged kayi is Lalag te Megbevayà, kenà ebpulus diyà te kandan.

Mateo 20:3

Ne hein liwazè en ebpemenahik is andew zutun, midlikù sikandin mebpengahà te etew. Ne ziyà te tiyenggiyan neehè din dutun is menge etew he wazà mibpeterebahu kandan.

Mateo 20:6

Ne hein meg̵aan en edsanlep is andew, midlikù en maan sikandin dutun te tiyenggiyan. Ne neehè din dutun is menge etew he wazè dan terebahu, ne migkeg̵iyan din te, ‘Maan is tekew kew en kayi ed-uubpaubpà te egkehepunan en ne kenè kew edterebahu?’

Mateo 25:26

Ne midtavak haazà is egalen din te, ‘Utew mezaat is baal nu! Peg̵ulen ka he sulug̵uen! Netuenan nu ves he edreg̵unen ku is kenè ku pinemula ne ebpenggenansya a te wazè ku ipetig̵ayun?

Juan 15:2

Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Juan 17:3

Ne iyan heini paag̵i he egkezawat dan is untung he wazà pidtemanan. Kinahanglan he egkesavut dan ke hentei ka is sevaha zà he tutuu he Megbevayà wey kinahanglan he egkesavut dan daan ke hentei a is Anak nu he si Jesu Kristu.

Juan 5:42

su nesayud a keniyu; kenà mahal is Megbevayà diyà te g̵ehinawa niw.

Ruma 12:11

Kenè kiw ebpepepeg̵ul, kekenà, edheg̵eten tew ziyà te g̵ehinawa tew is kedtumana tew te menge sug̵ù te Megbevayà.

1 Kurintu 15:58

Na, menge mahal ku he menge suled, geina te iyan heini, heg̵eta niw is kedsarig niw te Megbevayà su wey wazà ebpekezezaat te kedtuu niw. Peniguduwi niw tumana is ebpeveelan keniyu te Nengazen; hag̵ù kew te taman te egkehimu niw su netuenan niw he emun iyan edtumanen niw is ebpeveelan te Nengazen, kenà egkehimu he wazà pulus te vaal niw.

2 Kurintu 13:5

Susiya niw is gehinawa niw wey niw metueni ke tutuu ve is kedtuu niw ki Kristu. Wazè niw ve metueni he midlumunan kew ni Kristu? Ne emun wazà, ne tarù is kedtuu niw ne wazè kew mezawat ni Kristu.

2 Kurintu 8:2

Minsan dutun te nekeantus dan te utew mepait he kemeresayan, ingkelipey zan utew g̵ihapun ne tenged kayi minsan pa te utew zan egkengeayuayu, utew zekelà is ingkeveg̵ey zan he tavang te menge zuma zan he tumutuu.

2 Kurintu 8:7

Netuenan ku he wazà kurang niw te langun he menge ketau wey ulaula he meupiya. Dekelà is kedtuu niw; metau kew he ebpenurù; nesavut niw is tutuu he tuluuwen; ebpetebtevangè kew layun; ne zekelà is gag̵ew niw kenami. Tenged kayi egkesuatan dey he wazè niw zaan kurang kayi te kebpaahaa niw te g̵ag̵ew niw ziyà te menge tumutuu he tigHudiya.

2 Kurintu 9:14

Ne zutun id-ampù kew zan, ne egkehimu he utew kew mahal ziyà te g̵ehinawa zan tenged te zekelà he g̵agew niw kandan he imbeg̵ey keniyu te Megbevayà.

Pilipus 1:9

Ne id-ampù ku he med-iseg is kebpepurpurungè niw, is kegketueni niw te menge ulaula te Megbevayà, wey is ketau niw te ked-isip

Pilipus 2:5

Kinahanglan he iring is isip niw te isip ni Jesu Kristu.

Pilipus 3:8

Ne kenà dutun dà taman is mid-engkezan ku, kekenà, mid-eminan ku engkezi is minsan hengkey he zekelà dini te g̵ehinawa ku su wey ku mekuwa is utew pa lavew he mahal he iyan is kebpekidsevaha ku ki Jesu Kristu te Nengazen ku. Tenged kandin mid-engkezan ku is langun ne mid-isip ku heini he abper zà dini te kelibutan wey a mekepekidsevaha ki Kristu,

Kulusas 1:10

Su emun ebeelan din is iring kayi, ne human egkehimu is menge ulaula niw he zait he menge ulaula te menge etew he neg̵aked te Nengazen tew, ne egkehimu zaan he layun niw egkeveeli is egkesuatan din; layun niw egkeulaula is minsan hengkey he menge meupiya he ulaula. Ne layun daan ed-iseg is kegketueni niw te menge ulaula te Megbevayà.

Kulusas 2:7

Purung kew pendalid diyà te kandin; purungi niw istudyuwi is menge ulaula zin; purungi niw tuuwi sikan is tutuu he tuluuwen he impenurù keniyu. Ne kinahanglan he layun niw peselemati te Megbevayà is gag̵ew zin keniyu.

Kulusas 3:16

Menge suled, layun niw zewata is impesavut ni Kristu. Pepempenuruey kew wey mebpesemsembag̵è kew sumalà is ketau te kada sevaha. Kanta kew te menge idalig te Megbevayà, wey menge Salmo, wey elin daan is menge kentahan he ibpinted keniyu te Wag̵as he Mulin-ulin. Kentahi niw is Megbevayà he utew zekelà is kebpeselemati niw kandin.

1 Tiselunika 3:12

Berekati te Nengazen he med-iseg is kebmahala niw ziyà te g̵ehinawa niw te uman sevaha keniyu wey is langun he etew, iring te utew mezesen is kebmahala zey keniyu.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.

1 Timoteo 5:13

Ne kenà duen dà taman su melemu zan ebpetetapul ne layun dan ebpenumbaley ziyà te menge valey, ne kenà iyan dà haazà su egkehimu zan daan he vereituk, ne ebpekekevut dan te wazè dan kelavet duen ne ebenteenan dan is kenà meupiya he ebenteenan.

Tito 3:14

Ipenurù nu ziyà te menge zuma nu he tumutuu ziyan he kinahanglan he iyan dekelà diyà te g̵ehinawa zan is ked-ulaula zan te meupiya wey zan metevangi is menge edlised. Kenà meupiya ke zuen tumutuu he peg̵ulen su wazà pulus dutun.

Pilimun 1:6

Ne id-ampù ku zaan he pinaag̵i te kebpekid-upakat nu kenami tenged te kedtuu tew, med-iseg is kedsavut tew te langun he meupiya he intuvad kenitew te Megbevayà tenged te nekidsevaha kiw ki Kristu.

Hibriyuhanen 6:12

Kinahanglan he kenè kew mebpetetapul, kekenà, iringi niw is menge etew he meinentusen he edtuu te Megbevayà su tenged kayi egkezawat dan is impenaad te Megbevayà.

2 Pedro 1:2

Berakat he ikeg̵ag̵ew kew utew te Megbevayà wey mebmelinawen is gehinawa niw pinaag̵i te kegkesevuta niw te Megbevayà wey te Nengazen tew he si Jesus.

2 Pedro 1:3

Pinaag̵i te g̵ehem te Megbevayà edtevangan kiw zin te mezakel he paag̵i wey kiw meketuman te menge sug̵ù din kayi te ked-ubpè tew zini te kelibutan. Umba egkehimu heini su impekilala en kenitew si Jesu Kristu he iyan mibpetuu kenitew wey kiw mekeambit te ketazeng din wey te utew zin kegkelavew.

2 Pedro 2:20

Ke zuen menge etew he nekesavut en mehitenged te Nengazen tew he si Jesu Kristu, egkelibri zan en pezem te mezaat he ulaula zini te kelibutan he ebpekezezaat kandan. Iyan, ke egkepenulayan sikandan ne edlikuan dan en maan haazà is daan he kegkeuripena kandan te mezaat he ulaula, tuwas pa he merasey is egketemanan dan.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.