2 Pedro 1:20 - Manobo Western Bukidnon

²⁰ Ne kinahanglan utew he sevuta niw he wazà etew he hustu is kedseysey zin te penurù he insurat te ebpemeneuven dengan te Megbevayà emun wazà ipesavut kandin te Wag̵as he Mulin-ulin.

2 Pedro 1:20 Кръстосани препратки

Ruma 12:6

Ne zuen ketau he imbeg̵ey te Megbevayà diyà te kada sevaha he parti, asal, kenà ebpeked-iiring haazà is ketau te kada sevaha. Kinahanglan he egemiten ta is ketau he imbeg̵ey kenita. Ne penenglitan ke imbeg̵ey ziyà te sevaha is ketau te kebpesevuta te Lalag te Megbevayà ne kinahanglan he mekeikul heini te tuluuwen he midtuuwan ta.

Ruma 13:11

Kinahanglan he iyan heini ed-ul-ulahan ta su netuenan ta ke hengkey is hustu he ed-ul-ulahan kayi te timpu. Su puun guntaan, is timpu keuzemà he zutun edhimesazen te Megbevayà is kedlibriya zin kenitew, uvey en kenà dutun te timpu zengan he neketuu kiw. Ne tenged kayi kinahanglan he kenè kiw iring te etew he nekelipezeng, kekenà, iring te etew he ed-andam.

Ruma 6:6

Su netuenan tew he is daan he mesinupaken he kegkeetew tew, ne iring te inransang duma ki Kristu ziyà te krus su wey mebpatey. Ne tenged kayi, egkeawà is layun tew kebpekesalà ne human dutun kenè kiw en egkeuripen te ked-ulaula te mezaat.

1 Timoteo 1:9

Iyan, wazà isug̵ù heini su wey mezawey is menge metazeng he etew, kekenà, insug̵ù heini su wey mezawey is menge mesinupaken, menge kenà metinumanen, menge kenà edtuu te Megbevayà, menge selaan, menge lalung wey menge kenà edtahud te Megbevayà, menge ebunù te amey wey iney zan, menge teremunù,

2 Timoteo 3:16

Impinted te Megbevayà is kedsurata te langun he insurat he menge lalag din, ne zekelà is tavang kenita kayi te lalag emun ebpenurù ki, emun edawey ki, wey ke edsambag ki te menge tumutuu wey emun ibpenurù ta is metazeng he ulaula.

Santiago 1:3

Su nesavut niw en he emun egkeantus niw is penggezam, egkevig̵eran is ked-antus niw.

2 Pedro 3:3

Idhuna ku keniyu ibpesavut he keuzemà te ketepusan he timpu duen ebpemenlepew he menge etew he iyan ebayàbayà kandan is menge mezaat he kebayè dan. Edsumpeliten kew zan he egkag̵i te,