2 Pedro 1:19 - Manobo Western Bukidnon

¹⁹ Ne utew zutun neheg̵et is kedtuu zey te nengetagnà dengan te ebpemeneuven te Megbevayà mehitenged ki Jesus ne kinahanglan he purungi niw zaan tuuwi. Su is impenurù dan, ne iring te sulù he ebpenganlag diyà te merusirem taman te kenè pa egkeriwaswas. Ne emun egkeriwaswas en, egketeyawan kiw te mekevugwas, he ke và dà egkeg̵iya egkeuma is kegketuman te kedlikù ni Jesus.

2 Pedro 1:19 Кръстосани препратки

Mateo 4:16

Is langun kayi he menge etew, henduen be te ziyà mekeubpà te merusirem wey henduen be te ziyè dan en te Iveyaan su g̵eine te nekesuwey zan te Megbevayà. Iyan, diyà te huziyan he timpu egketeyawan en sikandan su ebpekeuma ziyà te kandan is ebpeketayew te isip dan.”

Juan 5:35

Su si Juan, iring sikandin te sulù he merayag is sig̵a zin, ne meg̵aan dà utew is kelipey niw te kedteyawi zin keniyu, he ke và dà egkeg̵iya, seled te meg̵aan dà utew kew nesuat te penurù din he tutuu.

Juan 5:39

Ed-istudiyuwan niw is ingkesurat he lalag din su kunaan niw ke tenged dutun ebpekeangken kew te untung he wazà pidtemanan. Edtistig̵usan a te insurat he Lalag te Megbevayà,

Juan 8:12

Ne mid-uman megkag̵i si Jesus diyà te menge etew, ke sikandin te, “Iyan a sikan is kerayag he ebpeketayew te isip te tivuuk he menusiyà. Ne is etew he edsundan kediey, kenà en sikandin egkesakup te g̵ehem te kerusireman, kekenà, egketeyawan is kedsavut din te kerayag he ebpekeveg̵ay te untung he wazà pidtemanan.”

Nengeulaula 15:29

Ne iyan is: kenè niw keena is impemuhat diyà te kenà tutuu he Megbevayà. Kenè niw keena is lengesa, ne kenè niw zaan keena is edlepaan he kenà ebpekelelengesa; kenè niw hileveti is kenè niw esawa. Emun edtumanen niw heini, meupiya en. Iyan dà heini lalag dey.”

Nengeulaula 17:11

Ne zeyzey is menge Hudiyu zutun te Biriya kenà te menge Hudiyu ziyà te Tiselunika su memetulanged dan mulà. Ne utew zan egkesuat he ebpemineg te impesavut kandan. Ne kada andew edsusiyen dan is insurat he Lalag te Megbevayà su ed-ahaan dan ke tutuu ve iyan haazà is ibpenurù eni Pablo.

Hibriyuhanen 2:2

Su is kesug̵uan he imbeg̵ey zengan te Megbevayà pinaag̵i te menge velinsug̵uen din, netuenan tew he is minsan hentei he nekesupak kayi, midsilutan te Megbevayà sumalà is supak din.

Santiago 2:8

Utew meupiya is ed-ul-ulahan niw emun edtumanen niw is lavew he sug̵ù te Nengazen he egkevasa niw ziyà te insurat he lalag din he edhenduen te, “Kinahanglan he mahala nu is duma nu; isipa nu sikandin he iring te kenikew en he g̵ehinawa.”

1 Pedro 1:10

Is ebpemeneuven dengan te Megbevayà, mibpurungan dan istudyuwi is kedlibriya zin kenita te silut wey netagnè dan heini is kedtuvazi zin kenita.

1 Juan 5:10

Is minsan hentei he edtuu he Anak te Megbevayà si Jesus, nevenaran sikandin te kebpenistig̵us te Megbevayà. Is minsan hentei he kenà edtuu te kebpenistig̵us te Megbevayà, ed-isipen din he teruen is Megbevayà su wazè din tuuwi is kebpenistig̵us te Megbevayà mehitenged te Anak din he si Jesus.

3 Juan 1:6

Mibpenudtul zan te menge tumutuu zini hein midtig̵um key he utew zekelà is gag̵ew nu kandan. Emun ed-uman dan edtuluy ziyan tevangi nu en maan sikandan te paag̵i he egkesuatan te Megbevayà wey zan mekelaus dutun te kedhipanew zan.

Impezayag 2:28

Ibeg̵ey ku zaan keniyu is mekevugwas.

Impezayag 22:16

“Siak si Jesus, midsug̵ù ku ziyan te keniyu te menge tumutuu is belinsug̵uen ku wey zin metudtul heini is langun. Iyan a sikan is kevuwazan te hadì dengan he si David. Iyan a sikan is iring te mekevugwas, kes bituen he ed-anlag ke egkepkepawè en,” ke si Jesus.