2 Pedro 1:15 - Manobo Western Bukidnon

¹⁵ Ne tenged kayi edhimuwen ku is taman te egkehimu ku su wey kenè niw melipati is impenurù ku.

2 Pedro 1:15 Кръстосани препратки

Lucas 12:58

Penenglitan duen etew he idsumbung kew zin, ne ed-uwiten kew zin diyà te hukmanan. Himuwa niw is taman te egkehimu niw su wey kew kandin mebpekidhusey te kenè kew pa ebpekeetuvang te huwis. Su emun ebpekeetuvang kew en te huwis, kela ke izata kew zin diyà te pulis ne egkepirisu kew.

Lucas 9:31

Midsun-uzan daan sikandan te mekeg̵eg̵ehem he anlag, ne iyan imbitiyara zan ki Jesus is mehitenged te meg̵aan din en kedhimuwa te sug̵ù te Megbevayà su edhimetayan sikandin diyà te Hiruselim.

2 Tiselunika 2:5

Wazè niw pa vuwa melipati he migkag̵i ku en heini is langun hein diyan e pa te keniyu.

2 Timoteo 2:2

Nezineg nu is kebpenurua ku te tutuu he tuluuwen diyà te mezakel he menge tumutuu; ne kinahanglan he ipenurù nu zaan heini diyà te menge etew he egkeserig̵an nu su wey mekepenurù dan daan te zuma.

Hibriyuhanen 11:4

Si Abel zengan, tenged te kedtuu zin te Megbevayà ne nehimu zin is utew pa meupiya he pemuhat kenà te impemuhat te kakey zin he si Kain. Ne tenged kayi te kedtuu ni Abel mid-isip te Megbevayà sikandin he metazeng su midawat te Megbevayà is impemuhat din. Ne minsan pa te zengan dà minatey si Abel zuen ketudluanan din kenitew tenged te mezesen is kedtuu zin.

2 Pedro 1:12

Minsan pa te nesavut niw en heini is langun wey meheg̵et en is kedtuu niw te tutuu he tuluuwen, kinahanglan he layun ku heini ibpezineg keniyu.