2 Pedro 1:1 - Manobo Western Bukidnon

¹ Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.

2 Pedro 1:1 Кръстосани препратки

Mateo 10:2

Iyan heini menge ngazan te sepulù wey zezuwa he sumusundan he migeraran ni Jesus he epustul, he ke và dà egkeg̵iya, menge sug̵ù din: iyan lavew kandan si Simon he migeraran ni Jesus ki Pedro; ne zutun daan si Andres he hazi ni Pedro wey is menge anak ni Sibidiyu he si Santiago wey si Juan is hazi ni Santiago.

Mateo 4:18

Sevaha he andew te edhipanew si Jesus diyà te veyvey te ranew he Geliliya, neehè din is dezuwa he maama, si Simon (kes mid-umanan din ngezani ki Pedro) wey is hazi ni Simon he si Andres. Ebpenlaya sikandan diyà te ranew su menlelaya sikandan.

Lucas 1:47

Utew ku ingkelipey is Megbevayà he iyan menluluwas ku.

Lucas 11:49

Is Megbevayà he utew metau, migkag̵i sikandin dengan te, ‘Ibpehendiyan ku pa te kandan is ebpemeneuven wey is menge epustul. Ne edhimetayan dan is duma ne is duma ebpesipelahan dan.’ Umba migkag̵i heini te Megbevayà su netuenan din he sikiyu is menge Hudiyu, nesevaha is gehinawa niw te g̵ehinawa te menge kepuun niw.

Juan 1:42

Ne miduma zin si Simon ne midhendiyè dan te ki Jesus. Ne si Jesus, midtengtengan din si Simon. “Iyan ka si Simon he anak ni Juan. Egeraran ku sikew ki Sipas,” ke si Jesus. (Is gerar he Sipas ne iyan ded sikan is ngazan he Pedro. Ne is kehulug̵an kayi, ne vatu.)

Juan 12:26

Ke zuen etew he egkesuat he mehimu he sulug̵uen ku, kinahanglan he edsunuzen e zin, su ke hendei a ne zutun daan is sulug̵uen ku. Ne ke zuen edtuman te menge sug̵ù ku, edelig̵en sikandin te Amey ku he Megbevayà.

Juan 20:21

Ne mid-uman si Jesus megkag̵i ziyà te kandan te, “Mebmelinawen kew. Ne iring te midsug̵ù a te Amey tew he Megbevayà, edsug̵uen ku zaan sikiyu.”

Nengeulaula 15:14

Is Megbevayà, migug̵ud en keniyu ni Simon Pedro is mid-ulaula zin hein aney zin en ipetuu is kenà menge Hudiyu su wey zuen menge etew zaan dutun he edsundan kandin.

Ruma 1:1

Iyan a si Pablo is teg̵isurat kayi. Uripen a ni Jesu Kristu ne midhimu e zin daan he epustul. Impenaad dengan te Megbevayà pinaag̵i te impesurat din te menge ebpeneuven din he zuen timpu he zuen Meupiya he Tudtulanen he ibpesavut kenitew. Umba mibpilì a he epustul su wey a mekepenudtul kayi te Meupiya he Tudtulanen.

Ruma 1:12

Ne iyan ibpesavut ku is ebpein-iniyatè kiw te kedtuu.

Ruma 1:17

Su pinaag̵i te Meupiya he Tudtulanen ibpetuenan kenitew te Megbevayà is paag̵i wey kiw zin meisip he metazeng. Ne heini is paag̵i, ne pinaag̵i te kedtuu zà. Su zuen insurat he Lalag te Megbevayà he edhenduen te, “Is etew he nehimu he metazeng pinaag̵i te kedtuu zin, ne iyan ebeg̵ayan te untung he wazè din pidtemanan.”

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 15:9

Nelevawan a te langun he menge zuma ku he menge epustul su te wazè e pa meketuu midlupiglupig ku te pesipala is menge tumutuu ki Jesus, ne tenged kayi kenà a pezem dait he egeraran he epustul.

1 Kurintu 9:1

Intug̵ut kedì he iyan a ebayàbayà te ebeelan ku su zuen ku keg̵ehem te kegkeepustul. Iyan inggerari kedì he epustul su mibpaahà kedì dengan si Jesus is Nengazen tew. Ne kenà dutun dà taman su pinaag̵i kedì nemeketuu kew te Nengazen.

2 Kurintu 4:13

Duen ingkesurat he lalag te etew he edhenduen te, “Midtuu a te Megbevayà ne ebpenudtulen ku is impeketuu ku.” Ne iring ded dutun heini is ed-ul-ulahan dey su tenged te kedtuu zey te Megbevayà ibpesavut dey is impeketuu zey.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Gelasya 2:8

Su is Megbevayà, mid-ulinan din si Pedro wey mehimu sikandin he epustul he iyan ebpenudtul ziyà te menge Hudiyu, ne iring din ded, mid-ulinan e zin daan wey a mehimu he epustul he iyan sug̵ù din diyà te menge etew he kenà menge Hudiyu.

Ipisu 3:5

Dengan wazà heini ipezayag diyà te minsan hentei he menusiyà, iyan, guntaan, pinaag̵i te Wag̵as he Mulin-ulin, impezayag en te Megbevayà diyà te menge epustul wey ebpemeneuven din.

Ipisu 4:11

Iyan menge ketau he imbeg̵ey zin kenitew is: is duma, midhimu zin he epustul; ne is duma, midhimu zin sikandan he peneuva te Megbevayà; ne is duma, ne imbeg̵ey zin kandan is ketau wey zan ikesangyew is Meupiya he Tudtulanen; ne is duma pa, ne imbeg̵ey zin kandan is ketau wey zan meuwit wey mepenurù is menge tumutuu.

Ipisu 4:5

Sevaha zà is Nengazen tew he iyan si Jesus; iyan dà sikandin edtuuwan tew; sevaha zà daan is imbewtismuwi kenitew.

Pilipus 1:1

Surat heini ni Pablo wey ni Timoteo te menge sulug̵uen ni Jesu Kristu. Ibpeuwit heini is surat diyan te keniyu te langun he menge tumutuu ki Jesu Kristu he menge meg̵inged diyan te inged he Pilipus wey te menge ebmeg̵urangen niw wey menge diyekunu.

Pilipus 1:29

Su is mibpeveelan keniyu te Megbevayà, ne kenà iyan dà is kedtuuwi niw ki Kristu, kekenà, elin daan is ked-entusa niw te kemeresayan tenged te kedtuu niw kandin.

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.

2 Timoteo 1:5

Kenè ku egkelipatan he utew meheg̵et is kedtuu nu he iring te meheg̵et daan is kedtuu te apù nu he si Luwida wey is iney nu he si Eunisi. Ne netuenan ku he utew hustu zaan is kenikew he kedtuu.

Tito 1:1

Sikew, Tito, ebpesuratan ku sikew. Iring ka te tutuu he anak ku su is kedtuu nu te Nengazen, ne iring daan te kedì he kedtuu kandin. Berakat he ikeg̵ag̵ew ka te Megbevayà wey te Menluluwas tew he si Jesu Kristu wey veg̵ayi ke zan te melinawen he kebpekesavuk. Iyan a si Pablo is sulug̵uen te Megbevayà wey is epustul, he ke và dà egkeg̵iya, sug̵ù ni Jesu Kristu. Iyan insug̵ua zin kedì su wey ku meheg̵et is kedtuu te menge etew he pinilì te Megbevayà, ne wey ku zaan meheg̵et is kedsavut dan te tutuu he tuluuwen he iyan edtuuwan ta. Elin daan insug̵ua zin kedì is wey zan mesavut he ebpekeperateng dan te untung he wazà pidtemanan. Dengan te wazè pa limbag̵a is minsan hengkey, migkag̵i te Megbevayà he ibeg̵ey zin kenitew heini is untung ne netuenan ta he kenà egkehimu he kenè din edtumanen is egkeg̵iyen din. Ne g̵untaan iyan en timpu te kebpetueni zin kayi te untung pinaag̵i te Meupiya he Tudtulanen. Ne heini he tudtulanen, insarig kediey te Megbevayà he menluluwas tew.

Tito 2:13

Su zuen edteg̵azan ta he andew he zutun ibpeg̵awag̵awa is lavew he Megbevayà he iyan Menluluwas tew he si Jesu Kristu he utew zekelà is gehem din. Iyan sikandin ebperetengen ta.

Santiago 1:1

Iyan a si Santiago is teg̵isurat kayi. Sulug̵uen a te Megbevayà wey te Nengazen tew he si Jesu Kristu. Kemusta kew is langun he menge g̵aked te Megbevayà he nekedsusuwey zini te tungkup te kelibutan.

1 Pedro 1:1

Iyan a si Pedro is teg̵isurat kayi. Epustul a ni Jesu Kristu, he ke và dà egkeg̵iya, sug̵ù din. Ebpesuratan ku sikiyu is nengaaram te Megbevayà he nemekedsuwey ziyà te g̵awas te inged niw. Is duma keniyu, ne ziyà mekepelag̵uy te prubinsya he Puntu, is duma, ne ziyà te menge prubinsya he Gelasya wey Kepedusya, wey Asya, wey Bitinya.

1 Pedro 1:7

Is kedtuu niw, ne iring te vulawan su egezaman is bulawan pinaag̵i te hapuy su wey ikepaahà ke tutuu ve. Umba idtug̵ut te Megbevayà he mekeantus kew te merasey su wey pinaag̵i te kemeresayan meg̵ezami is kedtuu niw ke tutuu ve wey ke kenà. Mahal pa is kedtuu niw kenà is bulawan su melemu egkezeeti is bulawan. Ne emun tutuu is kedtuu niw, edelig̵en kew, ebentug̵en kew, wey edtehuzen kew keuzemà emun ibpeg̵awag̵awa en si Jesu Kristu.

1 Pedro 2:7

Ne heini is hadì he iring te vatu, mahal utew sikandin dini te kenita te nekesarig en kandin, iyan, is langun he kenà edtuu, netuman pinaag̵i kandan is insurat he tagnà he edhenduen te, “Sikan is batu he himan te valey, mid-engkezan te menge pandey. Ne heini, nehimu en guntaan he vatu he iyan dà ebpekepurung te valey.”

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

2 Pedro 1:4

Iyan heini kedtumana zin te penaad din he utew zekelà wey mahal is idtuvad din kenitew. Umba impenaad din heini su wey mekeiring is menge ulaula tew te menge ulaula te Megbevayà ne mekelikey kiw zini te kelibutan te kedtumana te menge mezaat he kebayè tew su ebpekezezaat heini kenitew.

Hudas 1:1

Siak si Hudas is suled ni Santiago wey is sulug̵uen ni Jesu Kristu. Sikiyu is midhimu te Amey tew he Megbevayà he menge tumutuu he menge minahal zin he midlig-enan ni Jesu Kristu, iyan kew ebpesuratan ku.