2 Kurintu 9:7 - Manobo Western Bukidnon

⁷ Kinahanglan he ed-isipen te kada sevaha ke hengkey is egkesuatan din he ibeg̵ey ne iyan ibeg̵ey zin. Kenè ta ibeg̵ey is kenè ta egkesuatan he ibeg̵ey, ne kenè ta zaan ibeg̵ey emun egkeisip ta he integ̵el kenita is kebeg̵aya ta, su emun ebeg̵ey ki, kinahanglan he ebpuun te keputian te atey ta is kebeg̵aya ta zutun ne iyan haazà utew egkesuatan te Megbevayà.

2 Kurintu 9:7 Кръстосани препратки

Nengeulaula 20:35

Ne pinaag̵i kayi te langun, impeehè ku keniyu he kinahanglan he pinaag̵i te kebpenigudu tew egketevangan tew is egkengeayuayu su egketenuzan tew is menge lalag dengan te Nengazen tew he si Jesus su ke sikandin te, ‘Dekelà is kelipey ta ke ebeg̵ey ki, kenà ke iyan ki edawat.’ ”

Ruma 12:8

Ne emun iyan imbeg̵ey kenita is ketau te kedheg̵eta te kedtuu te menge zuma ta ne iyan heini ed-ul-ulahan ta. Ne emun iyan imbeg̵ey kenita is ketulanged ta te kedtavang te menge etew he egkengeayuayu, ne kinahanglan he edtulanged ki te kedtavang kandan. Ne emun iyan imbeg̵ey kenita is kedumelaha te menge tumutuu ne kinahanglan he ebpurungan ta is kedumala ta. Ne emun iyan imbeg̵ey kenita is kedtavang te menge etew he edlised ne kinahanglan he kenà pinaag̵i te ked-usur is ked-ul-ulaha ta kayi.

2 Kurintu 8:12

Su emun dekelà is gustu niw te kebeg̵aya te tavang sumalà is egkehimu niw, iyan heini igkesuat te Megbevayà su kenè din ebuyuen kenita is kenè ta igkeveg̵ey, kekenà, iyan ebuyuen din haazà is egkehimu ta he ibeg̵ey kandin.

Pilimun 1:14

Iyan, kenè ku pa heini ebeelan te wazè nu pa itug̵ut kediey. Kenà a ebpeg̵es he ikehizu a kenikew. Su iyan meupiya is ebpuun te meliwanag he g̵ehinawa is kedhimuwa nu kayi.

Santiago 5:9

Kenè kew, menge suled, meked-eepesà su wey kenè kew mesiluti te Megbevayà. Meg̵aan en ebpekeuma is edsusi te menge ulaula ta; iring te ziyè en te g̵emawan.

1 Pedro 4:9

Kinahanglan he utew kew metulanged is ebpepemenahik te menge humehulevungà diyan te valey niw.