2 Kurintu 9:5 - Manobo Western Bukidnon

⁵ Ne tenged kayi neisip ku he kinahanglan he ed-insaan ku heini is tetelu he menge suled tew ke egkehimu he edhuna zan kediey pehendiyan su wey kew zan metevangi te kedteg̵enaha he zaan te idtavang he impenaad niw. Ne zutun egkehimu he egketeg̵ane en haazà dutun te kebpekeuma ku ne egketuenan te langun he umba ebeg̵ey kew, kenà tenged te ebpeg̵esen kew, kekenà, tenged te ebpuun diyà te keputian te atey niw is kebeg̵ey niw.

2 Kurintu 9:5 Кръстосани препратки

1 Kurintu 16:2

Ne kada Duminggu ne kinahanglan he teg̵enaha te kada sevaha keniyu is ibeg̵ey zin diyà te Megbevayà. Sumalà is netig̵eyunan niw ne kinahanglan he iteg̵eley niw is bahin te Megbevayà. Ne tipig̵i niw heini su wey emun ebpekeuma ad diyan ne wazè en kinahanglan he ed-emutè kew pa su zaan en he naandam.

2 Kurintu 8:6

Ne g̵eina te iyan si Tito nemuunà te vaal ziyan te keniyu te kebpenguwaa te idtavang niw ziyà te menge tumutuu he tigHudiya, midsembag̵an dey sikandin he ipelaus din en su wey kew zin metevangi te kedhimesaza kayi te ulaula mehitenged te g̵ag̵ew niw.

2 Kurintu 9:3

Ne g̵untaan edsug̵uen ku ziyan heini is menge suled tew su wey kew zan metevangi te kedtumana te migkag̵i ku mehitenged keniyu su kela ke mehimu he lalag dà duen ne zutun dà taman. Iyan, netuenan ku he edtumanen niw g̵ihapun ne edteg̵enahan niw is idtavang niw sumalà is migkag̵i ku.

2 Kurintu 9:6

Kenè niw lipati heini is sempità he emun deisek is ibpemula ta, deisek daan is egkerag̵un ta, ne emun dekelà is ibpemula ta, dekelà daan is egkerag̵un ta.

Pilipus 4:17

Kenè ku iyan igkekeg̵iya kayi su wey a layun mekezawat te ibeg̵ey niw, kekenà, egkesuatan ku he zekelà is suhul keniyu te Megbevayà.