2 Kurintu 9:15 - Manobo Western Bukidnon

¹⁵ Ne tenged kayi ebpeselematan ta is Megbevayà tenged te kebeg̵aya zin kenita te Anak din he wazà minsan hengkey he ebpekerepeng te kemahal zin.

2 Kurintu 9:15 Кръстосани препратки

Lucas 2:14

ke sikandan te, “Edelig̵en tew is Megbevayà he ziyà te langit. Ne zini te lumpad te kelibutan mebmelinawen is kebpekesavuk te langun he menge etew he igkesuat te Megbevayà.”

Lucas 2:38

Ne te kemulu pa zutun te simbahan si Jose wey si Maria, nekeuma sikandin ne midalig din is Megbevayà tenged dutun te vatà. Ne impesavut din dutun ke hentei haazà is batà diyà te langun he menge etew he netig̵um dutun he hustu is kebpeebuta zan te kedlibriya te Megbevayà te menge kevuwazan ni Israyil.

Juan 1:16

Ne g̵eina te utew sikandin belig̵eg̵awen kenà egketapus is menge meupiya he idtuvad din kenitew te langun.

Juan 3:16

Utew mahal ziyà te g̵ehinawa te Megbevayà is tivuuk he menusiyà, ne tenged kayi minsan sikan is budtung he Anak din wazè din menug̵uni, kekenà, impehendini zin su wey is langun he edtuu kandin, kenà mesiluti is gimukud dan, kekenà, meveg̵ayi sikandan te untung he wazà pidtemanan.

Ruma 5:15

Iyan, kenè dan is dezuwa ebpeked-iring su is kedsupak dutun te sevaha, ne kenà iring te kebmetazeng he edhimuwen te Megbevayà. Sevaha zà he etew si Adan, iyan, tenged dutun te kedsupak din ebpematey is tivuuk he menusiyà. Ne minsan pa zutun, lavew pa he zekelà is nehimu pinaag̵i te g̵ag̵ew te Megbevayà su pinaag̵i te g̵ag̵ew te sevaha zà daan he etew he iyan si Jesu Kristu, imbeg̵ey te Megbevayà is ketazeng ne midhimu zin he metazeng is utew mezakel he menge etew.

Ruma 6:23

Ke zuen etew he ebpevayàbayà te suat te mekesesalà he lawa zin ne zuen silut kandin he iyan is kemetayen he wazè din pidtemanan. Iyan, is etew mulà he edtuuwan din si Jesu Kristu he Nengazen tew, duen ibeg̵ey kandin te Megbevayà he iyan is untung he wazè din pidtemanan.

Ruma 8:32

Su minsan is Anak din he si Jesus, wazè din menug̵uni, kekenà, midsug̵ù din wey mekepehimatey he elili kenita. Ne emun iyan haazà gag̵ew zin kenita, kenà egkehimu he kenè din daan ibeg̵ey kenita is langun he impenaad din kenita.

1 Kurintu 15:57

Ne minsan pa zutun egkehimu he edelig̵en tew is Megbevayà su tenged te mid-ulaula zin, nezaag tew en is kemetayen pinaag̵i te Nengazen tew he si Jesu Kristu!

2 Kurintu 2:14

Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

2 Kurintu 9:11

Su edhimuwen din layun he kenè ki maalang-alang te selapì su wey ta meveg̵ayi is edlised. Ne umba, menge suled, mezakel is ebpeselamat te Megbevayà tenged te tavang he ibpeuwit niw kenami.

2 Kurintu 9:14

Ne zutun id-ampù kew zan, ne egkehimu he utew kew mahal ziyà te g̵ehinawa zan tenged te zekelà he g̵agew niw kandan he imbeg̵ey keniyu te Megbevayà.

Ipisu 5:20

Peselemati niw layun te Amey tew he Megbevayà is langun he tuvad din keniyu tenged te kedsundan niw te Nengazen tew he si Jesu Kristu.

Santiago 1:17

Is minsan hengkey he ibeg̵ey kenitew he meupiya he wazè din kurang, ne ziyà ebpuun te Megbevayà he iyan nenlimbag te langun he edsig̵a ziyà te langit. Egkengehalinhalin heini, iyan, is Megbevayà, kenà mulà sikandin edhalin, ne kenà egkehalin te minsan hengkey.

Impezayag 4:9

Ne haazà is heepat he linimbag, emun ebentug̵en dan wey edtehuzen dan wey ebpeselematan dan is wazà pidtemanan he Megbevayà he ebpimpinuu zutun te pinuuwà te edhadì, edlangkeb sikan is