2 Kurintu 9:14 - Manobo Western Bukidnon

¹⁴ Ne zutun id-ampù kew zan, ne egkehimu he utew kew mahal ziyà te g̵ehinawa zan tenged te zekelà he g̵agew niw kandan he imbeg̵ey keniyu te Megbevayà.

2 Kurintu 9:14 Кръстосани препратки

Lucas 16:9

Umba,” ke si Jesus, “egkeg̵iyen ku keniyu he g̵emita niw is ketig̵eyunan niw zini te kelibutan wey metevangi is egkengeayuayu ne emun egkeuma haazà is timpu keuzemà he kenè niw en egkeg̵amit is menge azen niw, edsuhulan kew te Megbevayà diyà te langit.

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

2 Kurintu 1:11

Ne kinahanglan he edtevangan key zaan keniyu pinaag̵i te ked-ampù. Ne human egkehimu he mezakel is ebpeselamat te Megbevayà tenged te g̵ag̵ew zin kenami tenged te ked-ampù te mezakel he menge etew.

2 Kurintu 8:1

Egkesuatan dey, menge suled, he metueni niw ke hengkey is nehimu tenged te g̵ag̵ew te Megbevayà diyà te menge tumutuu ziyà te Mesidunya.

2 Kurintu 9:13

Ne emun egketuenan te menge etew he utew kew metulanged, ebentug̵en dan is Megbevayà tenged te kedtumana niw te menge sug̵ù din wey tenged te mezesen he kedtuu niw te Meupiya he Tudtulanen su midtevangan niw sikandan ne midtevangan niw zaan is duma.

2 Kurintu 9:15

Ne tenged kayi ebpeselematan ta is Megbevayà tenged te kebeg̵aya zin kenita te Anak din he wazà minsan hengkey he ebpekerepeng te kemahal zin.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

Pilipus 2:26

Umba ibpehendiyan ku su utew sikandin ebulunga keniyu ne utew inmezaat te g̵ehinawa zin is nezineg niw he tudtul he nezeruwan sikandin.

Pilipus 4:1

Umba menge minahal ku he menge suled, heg̵eta niw is kedtumana niw te menge sug̵ù te Nengazen. Utew a mibulung keniyu. Igkelipey ku sikiyu wey ibmeupiya kew te g̵ehinawa ku.

1 Timoteo 1:14

Ne kenà dutun dà taman su utew ad ingkeg̵ag̵ew te Megbevayà ne g̵untaan neketuu ad ki Jesu Kristu ne utew en sikandin mahal zini te g̵ehinawa ku.