2 Kurintu 9:1 - Manobo Western Bukidnon

¹ Wazà kinahanglan he idsurat ku keniyu ke hengkey is hustu he ed-ul-ulahan niw te kedtavang te menge tumutuu he egkengeayuayu

2 Kurintu 9:1 Кръстосани препратки

Mateo 22:31

Egug̵uzan ku sikiyu wey kew mevenari he egkevanhew is menge minatey. Wazè niw ves mevasa sikan is insurat he Lalag keniyu te Megbevayà?

Nengeulaula 24:17

Umba midhendiyà a te Hiruselim su nepipire en he tuig is wazà a mekehendiyà. Midhendiyà a su wey ku ikehated is selapì he idtavang diyà te menge zuma ku he Hudiyu wey a zaan mekepemuhat diyà te Megbevayà.

Ruma 11:28

Ne is duma he menge Hudiyu, ne nehimu sikandan he menge kuntada te Megbevayà tenged te wazè dan medtuu te Meupiya he Tudtulanen. Ne tenged dutun nehimu he iyan kew is kenà menge Hudiyu, nelibri te silut. Ne minsan pa zutun, kemulu pa mahal ziyà te g̵ehinawa te Megbevayà is menge Hudiyu tenged te pinilì din sikandan wey tenged te menge penaad din dengan diyà te menge kepuun dan.

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Ruma 15:31

Iampù niw he kenà a mekeizi te menge etew he kenà tumutuu ziyà te inged he Hiruselim. Iampù niw zaan he ikelipey te menge tumutuu ziyà te Hiruselim heini is selapì he idhated ku kandan.

Gelasya 2:10

Iyan dan dà intelaan kenami is kedtevangi zey te menge tumutuu he egkengeayuayu ziyà te Hiruselim, iyan, daan ku en heini midheg̵et dini te g̵ehinawa ku.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

1 Tiselunika 5:1

Menge suled, kenè en kinahanglan he edseysayen dey pa keniyu kayi te surat is menge andew wey menge timpu te kegketuman kayi te menge midtagnà.

1 Juan 2:27

Iyan, sikiyu, wazà kinahanglan he zuen selakew pa he ebpenurù keniyu su mibpeulinan kew en ni Kristu te Wag̵as he Mulin-ulin. Pinaag̵i zutun egkesavut niw is langun he ibpesavut keniyu ni Kristu. Tutuu mulà ne kenà tarù haazà is ibpesavut din keniyu umba kinahanglan he hemeni niw is kebpekidsevaha niw kandin sumalà is impenurù en keniyu.