2 Kurintu 8:8 - Manobo Western Bukidnon

⁸ Kenà heini kesug̵uan ku keniyu, kekenà, ibpesayud ku keniyu is dekelà he g̵ustu te zuma he menge tumutuu te kedtavang te menge zuma zan. Umba ibpesayud ku heini su wey niw meiringi. Ne pinaag̵i kayi egketuenan ku ke tutuu ve is keniyu he g̵ag̵ew.

2 Kurintu 8:8 Кръстосани препратки

Ruma 12:9

Kinahanglan he kenà tarù is kegkeg̵eg̵awi ta te menge zuma ta. Kinahanglan he utew ta igkeepes is mezaat he ulaula. Edhemenan ta is meupiya he ulaula.

1 Kurintu 7:12

Ne sikiyu is duma, duen sug̵ù ku keniyu. (Kediey heini he sug̵ù su wazà isug̵ù heini zengan te Nengazen tew he si Jesus.) Iyan is: ke zuen maama he tumutuu he zuen esawa zin he wazà medtuu, ne kenà egkesuat haazà is bahi he ebpesuwayè dan, ne kenà egkehimu he ed-engkezan dutun te maama haazà is esawa zin.

1 Kurintu 7:25

Ne sikiyu zaan is wazè pa esawa, wazè ku sug̵ù keniyu he ebpuun te Nengazen, iyan, siak is nehimu he egkeserig̵an tenged te zekelà he hizu kediey te Megbevayà, duen sambag ku keniyu.

1 Kurintu 7:6

Kenè ku sikiyu edsug̵uen he mebpees-eseweey kew, kekenà, sambag ku zà keniyu.

2 Kurintu 6:6

Ne midlikayan dey is meremerik he ulaula. Hustu is kedsevuta zey te Lalag te Megbevayà; mepeseyluwen key ne metinevangen key te minsan hentei. Ed-ulinan key te Wag̵as he Mulin-ulin; ibpeehè dey is gag̵ew zey ziyà te langun;

2 Kurintu 8:10

Iyan sambag ku keniyu is: himesaza niw haazà is kedtig̵uma niw te selapì he mibpuunan niw zutun te nehuna he tuig. Iyan kew nehuna te kedtig̵um te selapì wey metevangi is menge tigHudiya, ne kenà duen dà taman su heini he isip te kedtavang kandan, ne ziyan ebpuun te keniyu.

2 Kurintu 8:24

Ipeehè niw kandan is gag̵ew niw su wey metueni te menge tumutuu ziyà te minsan hendei he inged he tutuu iyan is gag̵ew niw te menge zuma niw, ne zutun egketuenan dan he tutuu is migkag̵i zey he metinevangen kew.

2 Kurintu 9:2

su netuenan ku he zekelà is gustu niw te kedtavang. Migkeg̵iyan ku is menge tumutuu he tigMesidunya he layun dekelà is gustu niw te kedtavang. Migkag̵i ku kandan he puun pa zutun te nehuna he tuig daan naandam is gehinawa niw te menge tigGerisya te kebeg̵ey. Ne is kezekelan kandan, hein nezineg dan heini, mid-iseg is gustu zan te kedtavang daan.

2 Kurintu 9:7

Kinahanglan he ed-isipen te kada sevaha ke hengkey is egkesuatan din he ibeg̵ey ne iyan ibeg̵ey zin. Kenè ta ibeg̵ey is kenè ta egkesuatan he ibeg̵ey, ne kenè ta zaan ibeg̵ey emun egkeisip ta he integ̵el kenita is kebeg̵aya ta, su emun ebeg̵ey ki, kinahanglan he ebpuun te keputian te atey ta is kebeg̵aya ta zutun ne iyan haazà utew egkesuatan te Megbevayà.

Ipisu 4:15

Ne sikitew mulà, kinahanglan he tutuu is ibpesavut tew ziyà te menge zuma tew tenged te mahal sikandan dini te g̵ehinawa tew. Ne pinaag̵i kayi ebpekeiseg is kebpekeiring tew te minsan hengkey he ulaula ni Kristu.

Ipisu 6:24

Berakat he ikeg̵ag̵ew te Megbevayà is minsan hentei he kenà egkeawà diyà te g̵ehinawa zin is kebmahala zin te Nengazen tew he si Jesu Kristu.

Hibriyuhanen 10:24

Kenà tew ed-ewaan dini te g̵ehinawa tew is kebpepurpurungè tew su wey layun mahal zini te g̵ehinawa tew is minsan hentei, ne wey layun mehimu te uman sevaha kenitew is menge meupiya he ulaula.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.