2 Kurintu 8:6 - Manobo Western Bukidnon

⁶ Ne g̵eina te iyan si Tito nemuunà te vaal ziyan te keniyu te kebpenguwaa te idtavang niw ziyà te menge tumutuu he tigHudiya, midsembag̵an dey sikandin he ipelaus din en su wey kew zin metevangi te kedhimesaza kayi te ulaula mehitenged te g̵ag̵ew niw.

2 Kurintu 8:6 Кръстосани препратки

Nengeulaula 24:17

Umba midhendiyà a te Hiruselim su nepipire en he tuig is wazà a mekehendiyà. Midhendiyà a su wey ku ikehated is selapì he idtavang diyà te menge zuma ku he Hudiyu wey a zaan mekepemuhat diyà te Megbevayà.

Ruma 15:25

Ne g̵untaan egenat ad su edhendiyà a zè pa te inged he Hiruselim su zuen idtavang he ibpehated kedì diyà te menge tumutuu te Megbevayà diyà.

2 Kurintu 12:18

Midhengyuan ku si Tito he medhendiyan te keniyu, ne impezuma ku zaan kandin is sevaha he menge suled tew. Midlimbungan kew zan be? Wazè niw egkekag̵i he iring kayi, su si Tito wey siak ne neked-iring is paag̵i zey wey ed-ul-ulahan dey su pudu memetazeng.

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.

2 Kurintu 8:10

Iyan sambag ku keniyu is: himesaza niw haazà is kedtig̵uma niw te selapì he mibpuunan niw zutun te nehuna he tuig. Iyan kew nehuna te kedtig̵um te selapì wey metevangi is menge tigHudiya, ne kenà duen dà taman su heini he isip te kedtavang kandan, ne ziyan ebpuun te keniyu.

2 Kurintu 8:19

Ne kenà duen dà taman su nepilì sikandin te menge gurupu te menge tumutuu zini he iyan eduma kenami zutun te kedhated dey kayi te idtavang diyà te egkengeayuayu. Umba iyan key edhated su wey mevantug is Nengazen ne wey zaan metueni he utew key egkesuat he edtavang.

2 Kurintu 8:23

Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

2 Kurintu 8:4

Su midhengyuan key zan he tug̵uti zey sikandan he mekeug̵up kenami te kebeg̵ey te tavang diyà te menge tumutuu ziyà te prubinsya he Hudiya.

2 Kurintu 9:5

Ne tenged kayi neisip ku he kinahanglan he ed-insaan ku heini is tetelu he menge suled tew ke egkehimu he edhuna zan kediey pehendiyan su wey kew zan metevangi te kedteg̵enaha he zaan te idtavang he impenaad niw. Ne zutun egkehimu he egketeg̵ane en haazà dutun te kebpekeuma ku ne egketuenan te langun he umba ebeg̵ey kew, kenà tenged te ebpeg̵esen kew, kekenà, tenged te ebpuun diyà te keputian te atey niw is kebeg̵ey niw.

Pilipus 4:18

Nezawat ku en is impeuwit niw ne utew subra is imbeg̵ey niw. Ne kenà ad egkealang-alang su inhated en ni Ipepruditu zini is idtavang niw kedì. Iring heini te pemuhat he utew mehemut, he ke và dà egkeg̵iya, utew igkesuat te Megbevayà.

1 Pedro 4:10

Is minsan hengkey he ketau he imbeg̵ey te Megbevayà diyà te kada sevaha keniyu, kinahanglan he g̵emita zin wey metevangi is menge zuma zin he tumutuu su wey hustu is kegemita niw te minsan hengkey he intavang keniyu te Megbevayà.