2 Kurintu 8:3 - Manobo Western Bukidnon

³ Ebpeketistig̵us a he midhimu zan is taman te egkehimu zan, ne subra pa te egkehimu zan is imbeg̵ey zan he ebpuun te keputian te atey zan.

2 Kurintu 8:3 Кръстосани препратки

Marcos 14:8

Sumalà is egkehimu kayi te vahi ne midhimu zin en dini te kedì. Mid-egwahan e zin he zaan wey meteg̵ana is lawa ku te kedlevenga kedì.

Nengeulaula 11:29

Ne tenged dutun neuyun is menge sumusundan diyà te Entiyukya he ed-emutè dan te selapì. Ne mebeg̵ey is kada sevaha sumalà is egkehimu zin wey zan metevangi is menge egkengeayuayu he menge zuma zan he menge tumutuu ziyà te prubinsya he Hudiya.

Ruma 10:2

Netuenan ku he utew mezesen is kedtumana zan te tuluuwen dan he kunaan dan ke egkesuatan te Megbevayà, iyan, wazè dan metueni is hustu he egkesuatan te Megbevayà.

1 Kurintu 16:2

Ne kada Duminggu ne kinahanglan he teg̵enaha te kada sevaha keniyu is ibeg̵ey zin diyà te Megbevayà. Sumalà is netig̵eyunan niw ne kinahanglan he iteg̵eley niw is bahin te Megbevayà. Ne tipig̵i niw heini su wey emun ebpekeuma ad diyan ne wazè en kinahanglan he ed-emutè kew pa su zaan en he naandam.

1 Kurintu 9:17

Emun kediey zà he isip is kedsengyawa ku, ne egkehimu he edsuhulan a, iyan, geina te intelaan kedì te Megbevayà tenged te sulug̵uen e zin dà ne kinahanglan he edtumanen ku tenged dà te insarig din heini kediey.

Gelasya 4:15

Utew a zengan keniyu ingkeg̵alew, su ke egkehimu zà ne egkeluten niw is mata niw ne ibeg̵ey niw kedì. Iyan e en mismu ebpekekag̵i kayi mehitenged keniyu. Ne g̵untaan, maan is nahalin en is gehinawa niw?

Pilipus 2:13

Su layun edtavang keniyu is Megbevayà wey niw mesuati ne wey niw mehimu is kedtumana te tuyù din diyan te keniyu.

Kulusas 4:13

Iyan igkekeg̵iya ku kayi ziyan te keniyu su egkesuatan ku he metueni niw he zekelà is kedhag̵ù ni Ipapras wey kew mezeyzey ne kenà iyan kew zà, kekenà, ragkes daan is menge tumutuu ziyà te inged he Leudisiya wey ziyà te inged he Hirepulis.

1 Tiselunika 2:8

Utew kew mahal kayi te g̵ehinawa zey, umba kenà iyan dey zà egkesuatan is kedweliyi zey keniyu te Meupiya he Tudtulanen he ebpuun te Megbevayà, kekenà, ebpekid-uunungen key en daan keniyu su utew zey sikiyu minahal.

Pilimun 1:14

Iyan, kenè ku pa heini ebeelan te wazè nu pa itug̵ut kediey. Kenà a ebpeg̵es he ikehizu a kenikew. Su iyan meupiya is ebpuun te meliwanag he g̵ehinawa is kedhimuwa nu kayi.

1 Pedro 4:11

Sikita is edwali, kinahanglan he is kedwali ta, ne utew hustu he iring te iyan en edwali is Megbevayà. Sikita is edtavang, ne kinahanglan he kenè ta edlipatan he is idtavang ta, ne ziyà ebpuun te Megbevayà su wey pinaag̵i te g̵ehem ni Jesu Kristu iyan mevantug is Megbevayà te minsan keenu su iyan dait he edelig̵en wey zait he ebayàbayà te wazà pidtemanan.

1 Pedro 5:2

Ne iyan idhangyù ku keniyu is: purungi niw elimahi is menge tumutuu he insarig keniyu te Megbevayà. Iring sikandan te menge kerehidu zin. Iyan kew edumala kandan, kenà iring te ebpeg̵esen kew, kekenà, kinahanglan he ebpuun te meliwanag he g̵ehinawa niw su iyan haazà egkesuatan te Megbevayà. Kinahanglan he kenà iyan dà id-elimahi niw kandan is tenged te edsuhulan kew zan, kekenà, tenged te egkesuat kew he edtavang kandan.