2 Kurintu 8:21 - Manobo Western Bukidnon

²¹ Su egkesuatan dey he hustu is ebeelan dey sumalà is ked-isipa kenami te Megbevayà ne kenà duen dà taman, kekenà, maahà daan te menge etew he metazeng is menge vaal zey.

2 Kurintu 8:21 Кръстосани препратки

Mateo 23:5

Mezakel is ed-ul-ulahan dan wey sikandan mezalig te menge etew su ibpeehè dan he edtumanen dan is sug̵ù te Megbevayà pinaag̵i zà te ebped-eepizen dan he insurat he Lalag te Megbevayà he ibedbed dan diyà te velad dan wey ziyà te vuked dan, wey pinaag̵i te utew meluag he sidsid te kemisula zan.

Mateo 5:16

Ne iring din ded daan is menge ulaula niw he meupiya; kinahanglan he kenè niw ieles. Ipeehè niw te menge etew is menge ulaula niw he meupiya ne tenged kayi ebpekezalig dan te Amey tew he Megbevayà he ziyà te langit.

Mateo 6:1

“Kinahanglan he kenà iyan idsimbaha niw te Megbevayà su wey mezalig kew te menge etew. Su emun iyan heini ulaula niw, kenè kew edsuhulan keuzemà te Megbevayà he Amey tew ziyà te langit.

Mateo 6:4

Kenè niw petueni te menge etew haazà is kebeg̵ey niw te tavang dutun te egkeayuayu, ne is Amey tew ziyà te langit, iyan dà ebpekeahà dutun ne iyan daan edsuhul keniyu.

Ruma 12:17

Ke zuen ebpesipala keniyu kenè kew mebales. Peniguduwi niw te ed-ulaula is menge ulaula he kenà egkesewayan te minsan hentei.

Ruma 14:18

Ne ke pinaag̵i kayi edsundanan ta si Kristu, igkesuat ki utew te Megbevayà, ne egkesuatan daan te menge etew is menge ulaula ta.

2 Kurintu 2:17

Iyan, sikami, kenè dey ed-iringan is ulaula te mezakel he ebpenurù su ziyà te kandan henduen be te ibpenapì dan is Lalag te Megbevayà. Ne tenged te midsugù key te Megbevayà, ne tenged daan te edsusiyen key layun te Megbevayà, tutuu is tuyù dey wey egkeg̵iyen dey su nekidsevaha key ki Kristu.

2 Kurintu 8:20

Umba egkesuatan dey he eduma heini is suled tew su wey key kenà medudahi su kela ke zuen egkag̵i he ebpenggemiten dey heini is dekelà he selapì he idhated dey.

2 Kurintu 8:22

Ne zuen pa suled tew he ibpezuma zey engki Tito. Mibpurungan ku sikandin susiya ne utew zekelà is gustu zin te edtavang te menge tumutuu, iyan, tuwas pa zekelà is gustu zin te edtavang keniyu g̵eina te zekelà is kedsarig din keniyu.

Pilipus 4:8

Ketepusan heini, menge suled, he menge lalag ku keniyu. Iyan niw itag̵ù diyà te isip niw is meupiya, is dait he igkezelig̵i, is tutuu he tuluuwen, is metazeng wey hustu wey mekempet he ulaula, wey is minsan hengkey he igkehimu te minsan hentei he egketahud.

1 Tiselunika 5:22

Likayi niw is minsan hengkey he mezaat.

1 Timoteo 3:7

Kinahanglan he meupiya layun is menge ulaula zin su wey mehimu he telehuzen sikandin te menge etew he kenà tumutuu ki Kristu, su emun kenà, kela ke ituka zan ne egkeseleizan sikandin ni Setanas.

1 Timoteo 5:14

Ne tenged kayi egkesuatan ku he mebpeuman mebpeesawa is menge menguhed he valu he vahi su wey mekeanak sikandan ne med-elima te pemilya zan. Ne zutun wazà igkesewayi kandan te menge kuntada tew.

1 Pedro 2:12

Kinahanglan he utew metazeng is menge ulaula niw su wey maahà te menge etew he kenà tumutuu. Su minsan ke egkeg̵iyen dan he mezaat is ulaula niw, egketuenan dan gihapun he meupiya is ed-ul-ulahan niw ne ebpekezalig dan te Megbevayà keuzemà te andew te kebulusi zin te menusiyà.