2 Kurintu 8:20 - Manobo Western Bukidnon

²⁰ Umba egkesuatan dey he eduma heini is suled tew su wey key kenà medudahi su kela ke zuen egkag̵i he ebpenggemiten dey heini is dekelà he selapì he idhated dey.

2 Kurintu 8:20 Кръстосани препратки

Mateo 10:16

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Ruma 14:16

Ne ke zuen ulaula he egkeisip te zuma he tumutuu he indawey te Megbevayà, iyan, netuenan niw he wazà izawey te Megbevayà haazà is ulaula, kenè niw ul-ulaha su wey kenà ebpekekag̵i is minsan hentei he mezaat is mid-ulaula niw.

1 Kurintu 16:3

Ne emun ebpekeuma a ziyan edsug̵uen ku ziyà te inged he Hiruselim sikan is ebpilien niw he menge etew wey zan meuwit is ibeg̵ey niw. Ne ibpeuwit ku zaan is menge surat su wey metueni te ebeg̵ayan ke hengkey is tuyù dan te ed-uwit.

2 Kurintu 11:12

Kenè ku edlekaan heini is lalag ku he kenè ku kebuyù diyan su wey haazà is menge uvag kun lavew he epustul ni Kristu, kenè dan mekekag̵i he iring te kenami is menge paag̵i zan te kebaal.

2 Kurintu 8:19

Ne kenà duen dà taman su nepilì sikandin te menge gurupu te menge tumutuu zini he iyan eduma kenami zutun te kedhated dey kayi te idtavang diyà te egkengeayuayu. Umba iyan key edhated su wey mevantug is Nengazen ne wey zaan metueni he utew key egkesuat he edtavang.

2 Kurintu 8:21

Su egkesuatan dey he hustu is ebeelan dey sumalà is ked-isipa kenami te Megbevayà ne kenà duen dà taman, kekenà, maahà daan te menge etew he metazeng is menge vaal zey.

Ipisu 5:15

Umba, menge suled, pekeventayi niw is menge ulaula niw su wey kew mehimu he menge metau, ne kenà menge paglung.

1 Tiselunika 5:22

Likayi niw is minsan hengkey he mezaat.