2 Kurintu 8:16 - Manobo Western Bukidnon

¹⁶ Dekelà is kebpeselemati zey te Megbevayà su imbeg̵ey zin ki Tito is dekelà he g̵ustu te kedtavang keniyu iring te kenami zaan he g̵ustu.

2 Kurintu 8:16 Кръстосани препратки

2 Kurintu 7:12

Kenà iyan dà impesurati ku keniyu is mehitenged duen te etew he nekesalà wey kes neselaan din, kekenà, ebpeketistig̵us is Megbevayà he umba mibpesuratan ku sikiyu su wey niw meisipisip ke sengemenu key kemahal diyan te g̵ehinawa niw.

2 Kurintu 7:7

Ne kenà iyan dà ingkelipey zey is keg̵alew zey ki Tito, kekenà, elin daan is tudtul zin he utew sikandin nelipey mehitenged keniyu. Netudtul zin he egkesuatan niw utew he mekepenumbaley a ziyan. Netudtul zin daan he ebuyù kew te pesaylu zini te kediey. Ne elin daan tudtul zin is: dekelà te g̵ehinawa niw is kedtumana niw te egkesuatan ku. Ne tenged kayi utew zekelà is kelipey ku.

2 Kurintu 8:23

Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

2 Kurintu 8:6

Ne g̵eina te iyan si Tito nemuunà te vaal ziyan te keniyu te kebpenguwaa te idtavang niw ziyà te menge tumutuu he tigHudiya, midsembag̵an dey sikandin he ipelaus din en su wey kew zin metevangi te kedhimesaza kayi te ulaula mehitenged te g̵ag̵ew niw.

Pilipus 2:20

Iyan dà sikandin duma ku kayi he utew zekelà is gehinawa zin keniyu.

Kulusas 3:17

Ne minsan hengkey he egkeg̵iyen niw wey ed-ul-ulahan niw, kinahanglan he zait heini he ulaula te sulug̵uen te Nengazen tew he si Jesus. Ne kinahanglan daan he layun dekelà is kebpeselemati niw te Amey tew he Megbevayà pinaag̵i te kebpekidsevaha niw ki Jesus.

Impezayag 17:17

Umba ed-ul-ulahan dan haazà su is Megbevayà, midhimu zin he egkesuatan dan te edtuman is tuyù te Megbevayà. Ne tenged dutun sevaha zà is egkeisip dan ne idtavang dan te langgam is keg̵ehem dan te kedhadì taman te egkengetuman is nengetagnà he menge Lalag te Megbevayà.