2 Kurintu 7:6 - Manobo Western Bukidnon

⁶ Iyan, is Megbevayà he metau he edlipey te egkengeseeng, midhimu zin he meupiya is gehinawa zey pinaag̵i te kebpekeuma ni Tito.

2 Kurintu 7:6 Кръстосани препратки

Mateo 5:4

Utew zeyzey sikandan is ibmesakit te g̵ehinawa zan is mezaat he ulaula su edlenganen sikandan te Megbevayà.

Juan 14:16

ne edhengyuan ku is Amey ku su wey zin ikeveg̵ey keniyu is Menenavang he ed-ilis kediey he kenà edsuwey keniyu te minsan keenu.

Ruma 15:5

Is Megbevayà, ne iyan edsambag kenitew wey ebeg̵ey kenitew te kebmeinentusen te kemeresayan. Berakat he himuwa zin he mesevaha is gehinawa niw wey isip niw kayi te kedsundani niw ki Jesu Kristu.

2 Kurintu 7:13

Ne tenged kayi utew key nelipey. Ne kenà duen dà taman su nelipey key zaan tenged te nelipey si Tito. Ne iyan ingkelipey ni Tito is: pinaag̵i te menge ulaula niw he meupiya ne naawà is menge samuk diyà te isip din.

2 Kurintu 7:14

Indantal ku sikiyu ziyà te ki Tito ne wazà mebperis is kedentala ku keniyu. Layun tutuu is egkeg̵iyen dey keniyu ne iring din ded daan, benar is migkag̵i ku ziyà te ki Tito mehitenged keniyu.

2 Kurintu 7:7

Ne kenà iyan dà ingkelipey zey is keg̵alew zey ki Tito, kekenà, elin daan is tudtul zin he utew sikandin nelipey mehitenged keniyu. Netudtul zin he egkesuatan niw utew he mekepenumbaley a ziyan. Netudtul zin daan he ebuyù kew te pesaylu zini te kediey. Ne elin daan tudtul zin is: dekelà te g̵ehinawa niw is kedtumana niw te egkesuatan ku. Ne tenged kayi utew zekelà is kelipey ku.

Pilipus 2:1

Menge suled, netuenan ku he ingkeheg̵et te kedtuu niw is kebpekidsevaha niw ki Kristu, ne netuenan ku zaan he naawà is menge keseengan niw mehitenged te hizu zin keniyu. Ne netuenan ku zaan he neupakat kew pinaag̵i te Wag̵as he Mulin-ulin, ne ebpekedhihizuwè kew wey ebpelimlimuey kew is menge tumutuu.

1 Tiselunika 3:2

Ne zutun midsug̵ù dey ziyan si Timoteo he suled tew wey sulug̵uen daan te Megbevayà te kegkesengyawa te Meupiya he Tudtulanen mehitenged ki Kristu. Iyan insug̵ua zey kandin su wey zin meheg̵eti is kedtuu niw ne wey kew zin mesembag̵i