2 Kurintu 7:3 - Manobo Western Bukidnon

³ Kenà iyan igkeg̵iya ku kayi su zuen igkesewayi ku keniyu. Nekag̵i ku he zaan he utew kew mahal zini te g̵ehinawa zey. Te uuyag key pa wey minsan ke ebpatey key en ne kenè kew g̵ihapun egkeawà dini te g̵ehinawa zey.

2 Kurintu 7:3 Кръстосани препратки

2 Kurintu 11:11

Kunaan niw vuwa ke umba egkeg̵iyen ku he kenà a ebuyù diyan te keniyu su wazà gehinawa ku keniyu, iyan, utew kew mahal zini te g̵ehinawa ku. Netuenan te Megbevayà he mahal kew zini te g̵ehinawa ku.

2 Kurintu 12:15

Egkelipey a utew ke igkeveg̵ey ku is menge azen ku wey is desen ku wey ku sikiyu metevangi. Iyan, minsan pa te mahal kew zini te g̵ehinawa ku henduen be te kenà a mulà mahal ziyan te g̵ehinawa niw.

2 Kurintu 13:10

Umba ebpesuratan ku sikiyu te zini e pa te meziyù su ke ebpekeuma a ziyan kenè en kinahanglan he meg̵amit ku is keg̵ehem ku te epustul te kedsilut. Imbeg̵ey kedì te Megbevayà heini is keg̵ehem. Kenà iyan imbeg̵aya zin kayi te keg̵ehem su wey maawà is upakat niw te tumutuu, kekenà, wey meheg̵et is upakat niw.

2 Kurintu 3:2

Sikami mulà, kenè key egkinahanglan te iring dutun. Netuenan dey he iyan kew surat dey su pinaag̵i te ulaula niw he meupiya egketuenan te minsan hentei he meupiya zaan is kenami he ulaula.

2 Kurintu 7:12

Kenà iyan dà impesurati ku keniyu is mehitenged duen te etew he nekesalà wey kes neselaan din, kekenà, ebpeketistig̵us is Megbevayà he umba mibpesuratan ku sikiyu su wey niw meisipisip ke sengemenu key kemahal diyan te g̵ehinawa niw.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

1 Tiselunika 2:8

Utew kew mahal kayi te g̵ehinawa zey, umba kenà iyan dey zà egkesuatan is kedweliyi zey keniyu te Meupiya he Tudtulanen he ebpuun te Megbevayà, kekenà, ebpekid-uunungen key en daan keniyu su utew zey sikiyu minahal.