2 Kurintu 7:15 - Manobo Western Bukidnon

¹⁵ Umba ed-iseg kew ebmahal ziyà te g̵ehinawa zin su egketenuzan din is kedtumana niw te menge sug̵ù ku wey is kegkeg̵alew niw kandin asal utew niw zutun ingkelenew kes kebpekeuma zin su nahandek kew ke zuen wazè niw metuman.

2 Kurintu 7:15 Кръстосани препратки

Juan 16:21

Emun ebeliliten is bahi, egkerasey te mesakit su ed-anak en. Ne emun edlusazan en, egkelipatan din is mesakit su igkelipey zin is beg̵u en he etew he in-anak.

Nengeulaula 16:29

Ne haazà is ebantey, midsug̵ù he uwita is sulù ne migaanggaan medseled ne midluhud is egkerkeren diyà te etuvangan ni Pablo wey ni Silas.

1 Kurintu 2:3

Ne hein nekeuma a ziyan te keniyu utew a migkulbai su utew a egkehandek su kela ke kenè ku egkehimu is ebpeveelan kedì te Megbevayà.

2 Kurintu 2:9

Umba mibpeuwitan ku sikiyu te surat ku su wey ku maahà ke metinumanen kew ve te langun he menge sug̵ù ku.

2 Kurintu 6:12

Kenè iyan minus is gehinawa zey keniyu, kekenà, iyan kew minus is gehinawa niw kenami.

Ipisu 6:5

Sikiyu is menge sulug̵uen, purungi niw tumana is menge sug̵ù keniyu te menge egalen niw zini te kelibutan. Tehuza niw sikandan ne kinahanglan he ebpuun te meupiya he g̵ehinawa niw is kedtumana niw te menge sug̵ù dan iring te iyan si Kristu edsug̵ù keniyu.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

Pilipus 2:12

Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.

Kulusas 3:12

Ne, menge suled, geina te mibpilì kiw te Megbevayà, ne midhimu kiw zin he menge g̵aked din, wey g̵eina te mahal kiw ziyà te g̵ehinawa zin, kinahanglan he zekelà is hizu ta wey g̵ag̵ew ta ziyà te minsan hentei. Ebpurungan ta is menge zuma ta ne kenè ki ebpelavew. Kinahanglan he mepelevayen ki layun.

2 Tiselunika 3:14

Ke zuen minsan hentei he tumutuu he kenà ebpemineg te menge sug̵ù he insurat dey kayi te surat, kilelaa niw ne kenè kew mebpekiduma kandin su wey meeled sikandin,

1 Juan 3:17

Ke zuen minsan hentei kenitew he egkehimu he edtevangan din is duma zin he edlised, iyan, kenè din edtevangan, kenà egkehimu he mahal ziyà te g̵ehinawa zin is Megbevayà.