2 Kurintu 7:12 - Manobo Western Bukidnon

¹² Kenà iyan dà impesurati ku keniyu is mehitenged duen te etew he nekesalà wey kes neselaan din, kekenà, ebpeketistig̵us is Megbevayà he umba mibpesuratan ku sikiyu su wey niw meisipisip ke sengemenu key kemahal diyan te g̵ehinawa niw.

2 Kurintu 7:12 Кръстосани препратки

2 Kurintu 11:11

Kunaan niw vuwa ke umba egkeg̵iyen ku he kenà a ebuyù diyan te keniyu su wazà gehinawa ku keniyu, iyan, utew kew mahal zini te g̵ehinawa ku. Netuenan te Megbevayà he mahal kew zini te g̵ehinawa ku.

2 Kurintu 11:28

Ne kenà duen dà taman su andew-andew egkereg̵enan a te kedumelaha ku te langun he menge gurupu te menge tumutuu ziyà te minsan hendei.

2 Kurintu 2:17

Iyan, sikami, kenè dey ed-iringan is ulaula te mezakel he ebpenurù su ziyà te kandan henduen be te ibpenapì dan is Lalag te Megbevayà. Ne tenged te midsugù key te Megbevayà, ne tenged daan te edsusiyen key layun te Megbevayà, tutuu is tuyù dey wey egkeg̵iyen dey su nekidsevaha key ki Kristu.

2 Kurintu 2:9

Umba mibpeuwitan ku sikiyu te surat ku su wey ku maahà ke metinumanen kew ve te langun he menge sug̵ù ku.

2 Kurintu 7:8

Su minsan ke pinaag̵i zutun te surat ku ne neseeng kew, neisip ku he meupiya utew te neveelan ku haazà. Hein aney, nekedsendit a su maan is neveelan ku is nehimu he ingkeseeng niw, iyan, petuluy zà naawà haazà is kegkeseeng niw.

1 Timoteo 3:5

Su is maama he kenà metau he ed-uwit te esawa zin wey menge anak din, ebmenumenu sikandin he ed-uwit te menge etew he menge tumutuu te Megbevayà?