2 Kurintu 6:8 - Manobo Western Bukidnon

⁸ Duen edtahud kenami ne zuen daan menge etew he kenè key zan edtehuzen. Duen edalig kenami ne zuen daan ed-ituk kenami. Duen egkag̵i he teruen key, iyan, kenà tarù is egkeg̵iyen dey.

2 Kurintu 6:8 Кръстосани препратки

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 22:16

Ne midsug̵ù dan diyà te ki Jesus is menge sumusundan dan wey menge sakup te upakat he midtukud ni Hirudis. Ne haazà is midsug̵ù dan, migkag̵i ziyà te ki Jesus te, “Menunudlù, netuenan dey he metazeng ka he etew; su ibpenurù nu is tutuu he ebpeveelan kenitew te Megbevayà, ne is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei.

Mateo 27:63

Ne ke sikandan diyà te kandin te, “Datù, netenuzan dey he migkag̵i zuen te teruen he etew hein uuyag pa, he emun ebpatey, egkevanhew zed seled te tetelu he andew.

Marcos 12:14

Ne hein nekeuma haazà is menge sug̵ù, migkag̵i zan diyà te ki Jesus te, “Menunudlù, netuenan dey he metazeng ka he etew. Is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei, kekenà, tutuu is ibpenurù nu he ibpeveelan kenitew te Megbevayà. Umba, keg̵iyi key kenikew, ebpekesupak ki ve te kesug̵uan tew ke ebayad ki te vuhis diyà te hadì tew he ziyà te inged he Ruma?”

Juan 7:12

Ne egkesumpakì is mezakel he menge etew he nengetig̵um diyà te inged he Hiruselim. Egkag̵i is duma kandan te, “Meupiya sikandin he etew.” Ne edtavak daan is duma te, “Kenà, su tarù is ibpenurù din te menge etew.”

Nengeulaula 10:22

Ne migkag̵i zan te, “Impehendini key ni Kepitan Cornelio. Metazeng sikandin he etew. Ed-azap sikandin te Megbevayà, ne telehuzen daan sikandin te langun he menge Hudiyu. Migkeg̵iyan sikandin te velinsug̵uen te Megbevayà te, ‘Ipaangey nu si Simon Pedro wey nu mezineg is ibpesavut din,’ ” ke sikandan.

Nengeulaula 16:39

Ne tenged dutun midhendiyè dan ne mibuyù dan te pesaylu. Ne miduma zan sikandan diyà te g̵awas te pirisuwan ne midhengyuan dan he med-awè dan dutun te inged.

Nengeulaula 22:12

Ne zuen dutun etew he egngezanan ki Eneniyas; metinumanen sikandin te kesug̵uan tew, wey telehuzen te langun he menge Hudiyu he tigDemasku.

Nengeulaula 24:5

Iyan is: netuenan dey he heini is etew, utew mesamuk, su is menge vaal zin, ne iyan idsinamuk te menge Hudiyu ziyà te minsan hendei. Ne sevaha zaan sikandin he egalen te menge etew he egngezanan te menge Neserinu.

Nengeulaula 28:22

Egkesuatan dey te ebpemineg is menge penurù nu wey zey mesusi su netuenan dey he is menge tumutuu kayi te tuluuwen he ibpenurù nu, egkuntedahan te menge etew ziyà te minsan hendei.”

Nengeulaula 4:21

Iyan, impaawè ded sikandan ne mibeleuzan dan he kenà ipesangyew. Ne haazà is menge ebmeg̵urangen, wazè dan neisip he paag̵i te kedsiluti kandan su nahandek dan te menge etew. Is langun he menge etew, midalig dan is Megbevayà tenged te egkein-inuwan he nehimu,

Nengeulaula 5:13

Ne is kenà menge tumutuu, kenà edtampu kandan su egkengehandek, asal is langun he tigHiruselim, edtehuzen dan is menge tumutuu.

Nengeulaula 6:3

Umba, menge suled,” ke sikandan, “meupiya ke ebpilì kew te pitu he menge zuma niw he telehuzen. Kinahanglan he iyan ebpilien is menge maama he memetau he netuenan niw he nepurung sikandan ulini te Wag̵as he Mulin-ulin. Ne ibeg̵ey zey ziyà te kandan is keg̵ehem te kebahinbahin.

Ruma 3:8

Ne zuen menge etew he egkag̵i he iring kayi is ibpenurù ku, iyan, kenè ku edewaten is menge ketezengan he iring kayi su ibpesavut dan he meupiya is ked-ulaula te mezaat emun pinaag̵i zutun egkehimu is meupiya. Is menge etew he iring kayi is ibpenurù dan, utew metazeng is kedsiluti kandan te Megbevayà.

2 Kurintu 1:18

Emun tutuu is egkeg̵iyen te Megbevayà, ne tutuu zaan heini is egkeg̵iyen ku. Su is neseled diyà te g̵ehinawa ku ne kinahanglan he edtumanen ku.

2 Kurintu 11:21

Utew zan mevurut, iyan, sikami, telawen key ne egkeeled a su haazà is menge ulaula zan keniyu he kunaan niw ke utew meupiya, wazè dey meulaula ziyan te keniyu. Ne g̵eina te wazè dan en kegkehandek te edantal ne kenà a zaan egkehandek he edantal minsan ke ebpekeiring a te tulebung.

2 Kurintu 12:16

Duen duma keniyu he ke sikandan te, “Tutuu iyan he wazà si Pablo mebuyù te selapì, iyan, duen paag̵i zin he meeles wey kiw zin melimbungi.”

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.

1 Tiselunika 2:3

Is kedwali zey ziyà te menge etew, ne kenà ebpuun te sayep wey te meremerik he tuyù. Kenè key edtarùtarù te minsan hentei.

1 Timoteo 3:7

Kinahanglan he meupiya layun is menge ulaula zin su wey mehimu he telehuzen sikandin te menge etew he kenà tumutuu ki Kristu, su emun kenà, kela ke ituka zan ne egkeseleizan sikandin ni Setanas.

1 Timoteo 4:10

Tenged kayi ebpenigudu ki edhag̵ù wey metuuwi heini te langun he menge etew su nekesarig ki en te wazè din kemetayen he Megbevayà ne iyan sikandin Menluluwas te langun he menge etew, lavew en is menge tumutuu kandin.

Hibriyuhanen 13:13

Umba, menge suled, egawas kiw zaan te inged ne edhendiyè kiw en te kandin, he ke và dà egkeg̵iya, kenè tew en edserig̵an is kedtumana te menge tuluuwen te menge Hudiyu, kekenà, iyan dà edserig̵an tew si Jesus. Edsundanan tew sikandin ne kenè tew igkehandek is ked-entusa tew te kedsudia kenitew tenged te kedtuu tew kandin.

1 Pedro 4:14

Utew kew zeyzey ke edsudien kew tenged te menge sumusundan kew ni Kristu su tuus heini he mid-ulinan kew te mekeg̵eg̵ehem he Mulin-ulin he iyan is Megbevayà.

3 Juan 1:12

Nezelig̵an si Dimitriyu te langun he menge etew. Egkeehè dan pinaag̵i te menge ulaula zin he edtumanen din is tutuu he tuluuwen. Edelig̵en dey zaan sikandin ne netuenan nu he tutuu is egkeg̵iyen dey.

Impezayag 3:9

Ne haazà is menge etew he egkag̵i he menge Hudiyu sikandan, tarù is egkeg̵iyen dan su menge sakup sikandan ni Setanas. Edhimuwen ku he mekeluhud sikandan diyan te etuvangan niw. Ne zutun egketuenan dan he iyan kew mahal zini te g̵ehinawa ku.