2 Kurintu 6:3 - Manobo Western Bukidnon

³ Egkesuatan dey he wazà igkesawey te minsan hentei te ulaula zey su wey wazà igkesudì dan te kedsengyawa zey te Lalag te Megbevayà.

2 Kurintu 6:3 Кръстосани препратки

Mateo 17:27

Asal, kenà meupiya he mepauk kenita heini is menge menunukut te ibayad dutun te Valey te Megbevayà. Hendiyè ka te ranew ne pemunuwit ka. Ne zutun te vèbà te pait he egkehuna nu egkeutel, egkeehè nu is selapì. Kuwaa nu haazà is selapì ne ivayad nu kayi te edsukuten kenita he ibayad te Valey te Megbevayà.”

Mateo 18:6

Minsan hentei he etew he pinaag̵i kandin egkeawà is kedsarig kediey te sevaha he vatà, meupiya pa zutun he etew ke edhiketan is lieg din te zekelà he g̵elingan he vatu ne id-agbur ziyà te lawed te zag̵at kenà is silut kandin ke pinaag̵i kandin egkeawà is kedsarig te sevaha he vatà he iring kayi.

Nengeulaula 19:27

Ne tenged kayi kela ke meepesi te menge etew heini is menge vaal tew. Ne kenà duen dà taman su is lavew he ziwata tew he si Diana, kela ke meisip te menge etew he wazà pulus kayi te simbahan din wey egkeawà daan is kegkevantug din. Ne iyan sikandin edsimbahan te langun he menge etew kayi te Asya wey te minsan hentei te tivuuk he kelibutan.”

Ruma 14:13

Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

1 Kurintu 9:12

Su ke egkehimu ke zuen ebpeebuten he igkeuyag te menge zuma he ebpenurù diyan, iyan key pe be kenà mebpaabut daan te lavew pa he zekelà. Ne minsan pa te iyan heini ketezengan, wazè key mebuyù diyan te keniyu su kela ke zuen egkag̵i he ibpenapì dey zà is baal zey ziyan. Ed-entusen dey is minsan hengkey su kenè dey egkesuatan he mesanggen is kedsengyawa te Meupiya he Tudtulanen mehitenged ki Kristu.

1 Kurintu 9:22

Ne haazà is menge tumutuu he wazà sikandan mekesavut te hustu, egkehimu a he iring kandan ne kenè ku idteg̵el is kediey he egkesuatan su wey pinaag̵i kedì meheg̵et is kedtuu zan. Ne zuen te kada sevaha he ebpenudtulan ku te Lalag te Megbevayà, ebpen-ahaan ku is paag̵i he engayan kandin su wey ku maag̵ak sikandin ne ebpeketuu sikandin ki Jesus.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

2 Kurintu 8:20

Umba egkesuatan dey he eduma heini is suled tew su wey key kenà medudahi su kela ke zuen egkag̵i he ebpenggemiten dey heini is dekelà he selapì he idhated dey.