2 Kurintu 6:15 - Manobo Western Bukidnon

¹⁵ Kenà daan egkeuyun si Kristu wey si Setanas ne kenà egkehimu he egkesevaha is tumutuu wey is kenà edtuu.

2 Kurintu 6:15 Кръстосани препратки

Marcos 16:16

Ne sikan is edtuu kayi wey ebpebewtismu, ebeg̵ayan te untung he wazà pidtemanan. Ne sikan is kenà edtuu ne edhukuman te silut.

Nengeulaula 5:14

Ne layun ed-iseg is kegkeumani te menge tumutuu. Ne tenged dutun utew zan en mezakel is menge maama wey vahi he nemeketuu te Nengazen he si Jesus.

Nengeulaula 8:20

Ne migkag̵i si Pedro te, “Berakat he siluti ka te Megbevayà ne zèdeeti zin is selapì nu su maan is neisip nu he egkepemasa is gehem he ibeg̵ey te Megbevayà.

1 Kurintu 6:6

Iyan, sikiyu, ke zuen idsumbung niw he zuma niw ne kenà meupiya is ulaula niw su ziyè kew ebpehusey te huwis he kenà tumutuu. Ne kenà meupiya ke iyan edhusey kenitew is etew he kenà tumutuu.

1 Timoteo 5:8

Su ke zuen tumutuu he kenè din ed-elimahan is menge edsarig kandin, lavew en sikandan he ziyà ed-ubpà te valey zin, mid-engkezan din en is kedtumana zin te tuluuwen tew. Meupiya pa sikan is wazà meketuu kenà sikandin.

1 Pedro 1:21

Pinaag̵i kandin neketuu kiw te Megbevayà. Mibanhew sikandin te Megbevayà ne midhimu zin sikandin he utew lavew. Ne tenged kayi iyan edserig̵an tew g̵untaan is Megbevayà ne ebpekeperateng kiw he edhimuwen kiw zin daan he utew lavew.