2 Kurintu 5:11 - Manobo Western Bukidnon

¹¹ Ne g̵eina te netuenan dey he utew mekehandekhandek keuzemà haazà is kedsusiya te Nengazen te menge ulaula te menusiyà, edhimuwen dey pezem is taman te egkehimu zey wey meketuu is menge etew. Netuenan te Megbavayà he kenà mezaat is tuyù dey, ne egkesuatan ku he metueni niw zaan heini.

2 Kurintu 5:11 Кръстосани препратки

Mateo 10:28

Kenè kew mahandek te menge etew zà duen su iyan dà egkepatey zan is lawa niw; ne kenè dan egkepatey is gimukud niw. Iyan ikehandek niw is Megbevayà su egkepatey zin is lawa wey minsan is gimukud niw pinaag̵i te Impirnu.

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Lucas 12:5

Egkeg̵iyen ku keniyu ke hentei is engayan he igkehandek niw. Iyan niw ikehandek is Megbevayà su kenè din iyan dà egkepatey is lawa niw su zuen din keg̵ehem he ebpeketimbag te g̵imukud niw ziyà te Impirnu. Uya, iyan niw sikandin ikehandek!”

Lucas 16:31

Ne migkag̵i zutun si Abraham te, ‘Emun kenè dan ebpemineg̵en is menge surat ni Moises wey te ebpemeneuven te Megbevayà dengan, kenè dan daan ebpemineg minsan ke zuen egkevanhew he minatey he edhendiyà te kandan.’ ”

Nengeulaula 13:43

Ne zutun te ked-awè dan puun te simbahan, mezakel is menge etew he nemenduma ki Pablo wey ki Bernabe. Elin dutun is menge Hudiyu wey kenà menge Hudiyu he edsimba zuma te menge Hudiyu. Mibpekibitiyara kandan ensi Pablo. Ne midsembag̵an dan sikandan he kenè dan engkezi is kedsarig dan te g̵ag̵ew te Megbevayà.

Nengeulaula 18:13

Ke sikandan te, “Heini he etew, ibpesimba zin is menge etew te Megbevayà te paag̵i he supak te velaud tew.”

Nengeulaula 18:4

Ne kada Sebadu edhendiyà si Pablo te menge simbahan te menge Hudiyu is ebpekidlewanà su wey mesavut te menge Hudiyu wey menge Gerisyahanen he tutuu is ibpenurù din.

Nengeulaula 19:26

Siguradu neehè niw wey nezineg niw en is ebeelan kayi te etew he egngezanan ki Pablo. Egkeg̵iyen din he is menge ziwata he ebeelan te etew, kenà hustu he ed-ezapen. Mezakel is menge etew he nemeketuu te egkeg̵iyen din ne kenà dini zà te inged tew he Ipisu, kekenà, te tivuuk he prubinsya tew he Asya.

Nengeulaula 26:26

Sikew, Hadì Egripa, kenà a egkelenew he egkag̵i kenikew su netuenan ku he netuenan nu he zaan is langun he egkeg̵iyen ku. Netuenan nu iyan su heini is nengeulaula, wazà mekeeles.

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

2 Kurintu 2:17

Iyan, sikami, kenè dey ed-iringan is ulaula te mezakel he ebpenurù su ziyà te kandan henduen be te ibpenapì dan is Lalag te Megbevayà. Ne tenged te midsugù key te Megbevayà, ne tenged daan te edsusiyen key layun te Megbevayà, tutuu is tuyù dey wey egkeg̵iyen dey su nekidsevaha key ki Kristu.

2 Kurintu 5:20

Umba midsug̵ù key ni Kristu su wey pinaag̵i kenami ebpekehangyù keniyu is Megbevayà. Ne tenged ki Kristu edhengyuan dey zaan sikiyu he itug̵ut niw he himuwa kew te Megbevayà he menge emig̵u zin.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

Gelasya 1:10

Kunaan niw vuwa ke iyan netag̵ù te g̵ehinawa ku is: egkesuat a he zelig̵a a te menge etew. Iyan, kenà iyan heini netag̵ù te g̵ehinawa ku, kekenà, iyan is kebpenunuata ku te Megbevayà. Kunaan niw vuwa zaan ke egkesuatan ku he ibmeupiya te g̵ehinawa te menge etew is menge ulaula ku, iyan, kenà daan iyan egkesuatan ku su emun iyan egkesuatan ku, kenà egkehimu he sulug̵uen a ni Kristu.

Ipisu 5:21

Mebpetetehuzè kew te kada sevaha tenged te kedtahud niw ki Kristu.

Hibriyuhanen 10:31

Ne emun iyan edsilut is Megbevayà he wazè din kemetayen, ne utew mekehandekhandek haazà is idsilut din!

Hibriyuhanen 12:29

su is Megbevayè tew, iring te utew meinit he hapuy is kedsilut din.

Hudas 1:23

Tevangi niw sikandan wey zan melibri te silut, iring te kedsekelawa niw ziyà te hapuy te egketutung. Is menge zuma he utew zekelà is salè dan, ipeehè niw zaan kandan is hizu niw, iyan, andam kew su kela ke mepenulayi kew zaan pinaag̵i te meremerik he ulaula zan.

Impezayag 20:15

Is minsan hentei zutun he wazà ilista is ngazan din diyà te libru te untung, in-agbur zaan sikandin diyà te ranew he egkeregreg.