2 Kurintu 4:13 - Manobo Western Bukidnon

¹³ Duen ingkesurat he lalag te etew he edhenduen te, “Midtuu a te Megbevayà ne ebpenudtulen ku is impeketuu ku.” Ne iring ded dutun heini is ed-ul-ulahan dey su tenged te kedtuu zey te Megbevayà ibpesavut dey is impeketuu zey.

2 Kurintu 4:13 Кръстосани препратки

Nengeulaula 15:11

Kenè niw ve, menge suled, edtuuwan he is kegkelibri kenitew te silut te menge Hudiyu, ne iring daan te kegkelibri kandan te kenà menge Hudiyu su tenged dà te g̵ag̵ew te Nengazen tew he si Jesus?”

Ruma 1:12

Ne iyan ibpesavut ku is ebpein-iniyatè kiw te kedtuu.

1 Kurintu 12:9

Ne ziyà te zuma pa ne ibeg̵ey is utew meheg̵et he kedtuu ne is duma, ne ebeg̵ayan te g̵ehem su wey zin mevewii is menge egkengezeruwan. Ne egkehimu zan is iring kayi su iyan gihapun ed-ulin kandan is Wag̵as he Mulin-ulin.

2 Kurintu 3:12

Ne g̵eina te ebpekesarig key he kenà heini egkeawà te minsan keenu kenè key egkehandek te kedsengyawa zey te Lalag te Megbevayà.

2 Kurintu 4:12

Umba kenà egkeawà dini te kenami is kebpemiligru zey te kemetayen su edsangyew key te Meupiya he Tudtulanan, iyan, maambe en su pinaag̵i kayi egkehimu ziyan te keniyu is untung he wazè din pidtemanan.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.