2 Kurintu 4:11 - Manobo Western Bukidnon

¹¹ Su minsan keenu he timpu kenà egkeawà dini te kenami is kebpemiligru zey te menge etew he egkesuat he edhimatey kenami tenged te kedsengyawa zey te ngazan ni Jesus. Umba egkeulaula zini te kenami heini su wey metueni he uuyag en maan si Jesus su layun key zin edtevangan su wey key kenà mehimetayi.

2 Kurintu 4:11 Кръстосани препратки

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

Ruma 8:36

Su zuen insurat dengan he Lalag te Megbevayà he edhenduen te, “Tenged te midtuuwan dey sikew, layun key hapit edhimetayi te menge etew. Iring key te ayam he kerehidu he in-andam te kedlepaa su ebpespesesag̵ad key zà ke keenu key edhimetayi.”

1 Kurintu 15:31

Su andew-andew, menge suled, egkeisip ku he kela ke edhimetayan a te menge kuntada te Megbevayà. Utew tutuu heini, menge suled; tutuu zaan he utew ku sikiyu igkelipey tenged te kedtuu niw te Nengazen tew he si Jesu Kristu.

1 Kurintu 15:49

Su g̵eina te nekeiring is lawa tew te lawa te nehuna he etew he tanà is limbag̵an din, kinahanglan he ebpekeiring is lawa tew zaan te lawa ni Kristu he iyan sikan is etew he ebpuun diyà te langit.

2 Kurintu 4:10

Iring ki Jesus dengan, egkuntedahan key layun te menge etew, ne egkesuatan key zan te edhimatey. Umba egkeulaula heini is langun su wey metueni pinaag̵i kenami he uuyag en maan si Jesus su layun key zin edtevangan.

2 Kurintu 4:12

Umba kenà egkeawà dini te kenami is kebpemiligru zey te kemetayen su edsangyew key te Meupiya he Tudtulanan, iyan, maambe en su pinaag̵i kayi egkehimu ziyan te keniyu is untung he wazè din pidtemanan.

2 Kurintu 5:4

Su sikita is tumutuu he uuyag pa zini te kelibutan, edlised ki su neveg̵atan ki kayi te menge kemereg̵enan he egkeantus kayi te kelibutanen he lawa ta, asal kenè ta iyan egkesuatan he meewai ta heini is lawa ta, kekenà, iyan egkesuatan ta is wey meveg̵ayi ki en pezem guntaan dutun te veg̵u he lawa he ebpuun diyà te langit, ne zutun egkeilisan is lawa he zuen din kemetayen te lawa he zuen din untung he wazà pidtemanan.

2 Kurintu 6:9

Duen egkag̵i he utew minus is pid-etawan dey, iyan, nasì dekelà is bentug̵an dey. Layun key ed-ed-edisi te kemetayen, iyan, idtug̵ut pa te Megbevayà he kenè key pa mebpatey. Edsilutan key te Megbevayà wey key mepenurù, iyan, kenè key zin edhimetayan.