2 Kurintu 3:7 - Manobo Western Bukidnon

⁷ Dutun te kedsurata zengan te Megbevayà te kesug̵uan, duen te menge edsuratan he vatu, neselikuvungan si Moises te ed-anlag he g̵ehem te Megbevayà. Ne zutun nenganlag is paras ni Moises tenged te g̵ehem te Megbevayà ne nekesirang te menge etew he kevuwazan ni Israyil. Ne minsan pa zutun te utew merayag haazà, naawà gihapun haazà is gehem. Iyan ibpesavut kenita pinaag̵i te kesug̵uan is: ebpatey is gimukud te menusiyà. Ne minsan pa zutun utew zekelà is gehem he impaahà te Megbevayà dutun te kedsurata zin kayi.

2 Kurintu 3:7 Кръстосани препратки

Nengeulaula 6:15

Ne midtengtengan si Esteban te langun he menge punuan dutun ne is paras din dutun ne henduen be te paras te velinsug̵uen te Megbevayà tenged te ked-ulini kandin.

Ruma 10:4

Su midhimu ni Kristu he wazè en pulus te kedsarig te kedtuman te kesug̵uan su wey is minsan hentei, pinaag̵i zà te kedtuu ki Kristu, ebpeketezengen sikandin te Megbevayà.

Ruma 4:15

Ne kenè kiw egkezeyzey pinaag̵i te kesug̵uan, su is kesug̵uan, ne iyan mulà igkepeuki kenitew te Megbevayà su kenè tew egketuman. Angin ke wazà kesug̵uan su kenà egkehimu he zuen egkesupak ta.

Ruma 5:20

Ne umba imbeg̵ey te Megbevayà is kesug̵uan su wey med-iseg is kegketueni te menge etew te kezekelà te kedsupaka zan kandin. Ne zutun te mid-iseg mebmezakel is menge kedsupak, impeiseg ipezekelà te Megbevayà is gag̵ew zin te menge etew.

Ruma 7:10

Umba nehimu is kesug̵uan he imbeg̵ey te Megbevayà su wey mekeangken is menge etew te untung he wazè din pidtemanan emun kenè dan edsupaken. Iyan, nehimu en he iyan idsiluti kedì is kesug̵uan su nesupak ku.

Ruma 7:22

Ne sumalà is egkesuatan te g̵ehinawa ku, utew ku pezem egkesuati is kedtumana te egkesuatan te Megbevayà.

Ruma 7:5

Su zengan hein kemulu tew pa edtumana is kenitew he kebayà, duen menge ulaula he indawey te kesug̵uan, ne tenged te indawey heini, ne nasì nehimu he iyan daan heini utew tew egkesuatan te ed-ulaula. Ne tenged te mid-ulaula tew is iring dutun, iyan dà egkepaabut tew zengan is kemetayen he wazè din pidtemanan.

1 Kurintu 13:10

Iyan, ke ibpesavut kenitew te Megbevayà is hustu ne zutun egkeawà haazà is kenè pa hustu.

2 Kurintu 3:3

Su iring is kedtuu niw te surat he ibpesavut dutun he hustu is ulaula zey. Ne iyan mibaal kayi te surat si Kristu su midsug̵ù key zin diyan wey kew meketuu. Ne zeyzey heini is surat su wazà isurat pinaag̵i te kintà ne wazà daan isurat diyà te menge edsuratan he vatu iring te kesug̵uan he imbilinbilin ni Moises, kekenà, pinaag̵i te Wag̵as he Mulin-ulin insurat te Megbevayà diyà te g̵ehinawa niw te menge etew.

2 Kurintu 3:6

Su iyan sikandin ebeg̵ey kenami te ketau wey zey ikepenurù is beg̵u he paag̵i he midtukud din te kebpekidsevaha zin te menusiyà. Ne wazà heini is beg̵u he paag̵i iveg̵ey pinaag̵i te insurat he kesug̵uan, kekenà, imbeg̵ey zin heini kenitew pinaag̵i te Wag̵as he Mulin-ulin. Su emun iyan ta edserig̵an is kedtumana ta te kesug̵uan, ne kemetayen he wazà pidtemanan is ebperetengen ta. Iyan, ke ibeg̵ey kenitew is Wag̵as he Mulin-ulin ne untung he wazà pidtemanan is ebperetengen ta.

2 Kurintu 3:8

Emun dekelà is gehem he impaahà dutun te kebeg̵aya zin te kesug̵uan, iyan pe be kenà tuwas pa he mekeg̵eg̵ehem is kebeg̵aya zin te Wag̵as he Mulin-ulin.

Gelasya 3:10

Iyan, is minsan hentei mulà he edsarig te kedtumana te kesug̵uan he imbilinbilin ni Moises, nesug̵at en te rawak te Megbevayà su zuen insurat he Lalag te Megvevayà he edhenduen te, “Is minsan hentei he kenà din egkepurung egketuman is minsan hengkey he sug̵ù he insurat dutun te kesug̵uan, ne nesug̵at en sikandin te rawak te Megbevayà.”

Gelasya 3:21

Ne kunaan niw vuwa ke kenà egkeuyun is kesug̵uan wey is menge penaad dengan te Megbevayà, iyan, kenà egkehimu he kenà heini egkeuyun. Su ke zuen kesug̵uan he pinaag̵i kayi egkeveg̵ayan kiw te untung he wazè din pidtemanan ne siguradu egkehimu kiw he metazeng pinaag̵i zaan kayi te kesug̵uan.

Hibriyuhanen 12:18

Is paag̵i te ked-uvey ziyà te Megvevayà he impenurù kenitew, ne kenè en iring te paag̵i te menge kevuwazan dengan ni Israyil. Su iyan mid-uvayan dan is egkeehè dan su ziyà te vuntud he Siney he utew meregreg. Merusirem dutun tenged te kivel ne utew mevendes is keramag.

Hibriyuhanen 3:3

Iyan, si Jesus, ed-isipen sikandin te Megbevayà he utew pa lavew kenà si Moises, iring te lavew is ebevaley kenà te valey.

Hibriyuhanen 9:4

Ne is seled kayi, insavuk dan dutun kes pemuhatà he vulawan he zutun edtutunga is beyewà. Ne zutun daan isavuk kes kavan he mid-epizan te vulawan. Tuus heini is kavan te zaan he paag̵i he midtukud te Megbevayà. Diyà te seled dutun te kavan ne egkeahà is bulawan he umuy he zutun itag̵ù kes keuyag̵an he mana. Ne zutun daan te seled te kavan egkeahà kes tuked ni Arun he mibpeneringsing wey kes dezuwa he melumpipi he vatu he zutun isurat te Megbevayà kes kesug̵uan.