2 Kurintu 3:2 - Manobo Western Bukidnon

² Sikami mulà, kenè key egkinahanglan te iring dutun. Netuenan dey he iyan kew surat dey su pinaag̵i te ulaula niw he meupiya egketuenan te minsan hentei he meupiya zaan is kenami he ulaula.

2 Kurintu 3:2 Кръстосани препратки

Ruma 1:8

Iyan idhuna ku keniyu te ebpenudtul is: pinaag̵i ki Jesu Kristu ebpeselematan ku is Megbevayè tew tenged keniyu su nepenudtul ziyà te minsan hendei is kedtuu niw ki Jesu Kristu.

1 Kurintu 3:10

Ne siak, henduen a te pandey te Megbevayà su imbeg̵ey zin kediey is gehem su wey mehimu he iyan a edsavuk diyan te keniyu te vatu he edtukuzan te valey ne selakew en is ebevaley zuen, he ke và dà egkeg̵iya, selakew en is ebpenurù keniyu g̵untaan. Ne kinahanglan he is kada sevaha he ebevaley ne purungi zin is baal zin.

2 Kurintu 11:11

Kunaan niw vuwa ke umba egkeg̵iyen ku he kenà a ebuyù diyan te keniyu su wazà gehinawa ku keniyu, iyan, utew kew mahal zini te g̵ehinawa ku. Netuenan te Megbevayà he mahal kew zini te g̵ehinawa ku.

2 Kurintu 12:15

Egkelipey a utew ke igkeveg̵ey ku is menge azen ku wey is desen ku wey ku sikiyu metevangi. Iyan, minsan pa te mahal kew zini te g̵ehinawa ku henduen be te kenà a mulà mahal ziyan te g̵ehinawa niw.

2 Kurintu 3:1

Kunaan niw vuwa ke idantal zey en maan heini. Kenè key iring te zuma he ebpenurù su kenè niw sikandan egkezawat emun wazà surat he igkepeehè dan he ibpesavut dutun he wazà mezaat he ulaula zan. Ne iring din ded daan kenà sikandan egkezawat te zuma he etew emun wazè dan surat he iring dutun he ziyan ebpuun te keniyu.

2 Kurintu 7:3

Kenà iyan igkeg̵iya ku kayi su zuen igkesewayi ku keniyu. Nekag̵i ku he zaan he utew kew mahal zini te g̵ehinawa zey. Te uuyag key pa wey minsan ke ebpatey key en ne kenè kew g̵ihapun egkeawà dini te g̵ehinawa zey.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

1 Tiselunika 1:8

Ebpuun diyan nekeeneb is Lalag te Nengazen, kenà diyan dà te prubinsya he Mesidunya wey ziyà te prubinsya he Gerisya, kekenà, is menge etew ziyà te minsan hendei, nezineg dan is tudtul mehitenged te kedtuu niw te Megbevayà. Wazè en kinahanglan he ibpenudtul zey pa ziyà te menge etew is kedtuu niw.