2 Kurintu 3:12 - Manobo Western Bukidnon

¹² Ne g̵eina te ebpekesarig key he kenà heini egkeawà te minsan keenu kenè key egkehandek te kedsengyawa zey te Lalag te Megbevayà.

2 Kurintu 3:12 Кръстосани препратки

Juan 10:24

Ne midtig̵um diyà te kandin is menge punuan he menge Hudiyu, ne mid-insaan dan sikandin te, “Maan is kemulu nu pa id-eles kenami ke hentei ka? Keg̵iyi key. Iyan ke ve sikan is mibpilì te Megbevayà he ibpahadì?”

Juan 16:25

Migamit ku is menge sempità te kebpenurua ku keniyu, iyan, meg̵aan en egkeuma is andew he kenè en maan menge sempitè pa is egemiten ku su zutun, melemu niw en he egkesavut is egkeg̵iyen ku. Ne zutun utew niw egkekeleduwi is egkeg̵iyen ku keniyu mehitenged te Amey ku he Megbevayà.

Juan 16:29

Ne zutun migkag̵i haazà is menge sumusundan din te, “Ne utew en keladu is egkeg̵iyen nu su kenè en maan sempità.

Nengeulaula 14:3

Ne malù netegteg̵aad is ked-ubpà te menge epustul, si Pablo wey si Bernabe, dutun te Ikunya. Wazè dan ikehandek is kedsengyawa zan te keag̵i te Nengazen. Ne midtuvazan sikandan te Nengazen su mibeg̵ayan din sikandan te g̵ehem wey zan ikepaahà is menge singyal wey egkein-inuwan he iyan timaan he tutuu is impenudtul zan he g̵ag̵ew te Nengazen.

Nengeulaula 4:13

Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.

Nengeulaula 9:27

Ne midtevangan si Seulu ni Bernabe ne miduma zin diyà te menge epustul ne mibpenudtul zin kandan is kebpaahà te Nengazen ki Seulu ziyà te imbayè din, wey is lalag kandin te Nengazen. Ne midtudtul zin daan he si Seulu, minsan te nekuntada zin is menge Hudiyu diyà te Demasku, wazè din kegkehandek te kedsengyawa zin te kedtuu te ngazan ni Jesus.

Nengeulaula 9:29

Ne ebpekidlalag wey ebpekidibati te menge Hudiyu he Gerisyahanen is kineg̵iyan dan. Ne ed-isipen dan en sikandin edhimetayi.

1 Kurintu 14:19

Iyan, minsan pa zutun, emun diyà a te ketig̵uman te menge tumutuu, kenè ku egemiten su meupiya pa zutun is kegkeg̵iya ku te minsan lelima zà he lalag he egkesavut he ebpeketavang te menge zuma ku, kenà is kegkeg̵iya te liblibuwen he menge lalag he kenà egkesavut.

2 Kurintu 10:1

Duen egkag̵i he siak, si Pablo, telawen a emun diyan a te keniyu, iyan, memeg̵arang kun is menge lalag ku keniyu emun edlelag̵an ku sikiyu pinaag̵i te surat. Iyan, guntaan, kenà meg̵arang is menge lalag ku, kekenà, edhangyù a keniyu pinaag̵i te menayù he menge lalag iring te menayù wey velig̵eg̵awen si Kristu.

2 Kurintu 3:11

Su ke zuen gehem te zaan wey naawè en haazà is daan he zuen din gehem, iyan pe be kenà dekelè pa utew is gehem te veg̵u he kenà mulà egkeawà.

2 Kurintu 4:13

Duen ingkesurat he lalag te etew he edhenduen te, “Midtuu a te Megbevayà ne ebpenudtulen ku is impeketuu ku.” Ne iring ded dutun heini is ed-ul-ulahan dey su tenged te kedtuu zey te Megbevayà ibpesavut dey is impeketuu zey.

2 Kurintu 7:4

Utew zekelà is kedsarig ku keniyu; dekelà layun is kebpekezalig ku keniyu. Ne tenged kayi minsan pa te mezakel is menge seeng dey, meupiya g̵ihapun is g̵ehinawa ku; utew zekelà is kelipey ku tenged keniyu.

Pilipus 1:14

Ne kenà duen dà taman su is kezekelan te menge zuma tew he tumutuu, ingkeheg̵et te kedsarig dan te Nengazen heini is kebpirisuwa kedì. Ne tenged kayi ed-iseg is sigudu zan te kedsengyawa te Lalag te Megbevayà ne kenè dan en egkehandek.

Pilipus 1:20

Ne utew ku egkesuati, wey idsarig ku ziyà te Megbevayà he layun ku metuman is ebpeveelan din kedì su wey a kenà meeled te minsan keenu he timpu lavew en guntaan. Egkesuatan ku he mezalig si Kristu tenged kedì pinaag̵i te kebpaawaa kedì kayi te pirisuwan ne emun kenà, ne mezalig si Kristu pinaag̵i te kebpatey ku.

Kulusas 4:4

Ampù kew zaan he metevangi a te Megbevayà wey ku ikepesavut heini is lalag te hustu he paag̵i.

1 Tiselunika 2:2

Su wazè niw melipati is nehitavù kenami ziyà te inged he Pilipus hein wazè key pa mekeuma ziyan te Tiselunika. Wazè key zan urami te kebpemug̵el wey te kebpeelimungawi. Ne minsan pa zutun, tenged te kedtavang te Megbevayà wazè key mahandek he ebpenudtul ziyan te keniyu te Meupiya he Tudtulanen he ebpuun diyà te kandin, iyan, nereg̵enan key utew.

1 Timoteo 3:13

su is diyekunu he meupiya is menge vaal zin te kedtavang din te menge tumutuu, telehuzen sikandin utew te menge etew ne egkehimu he kenè din igkehandek is kebpenurù din mehitenged te kedtuu zin ki Jesu Kristu.

Pilimun 1:8

Ne tenged kayi te langun duen idhangyù ku kenikew. Netuenan ku he tenged te keg̵ehem he imbeg̵ey kedì ni Kristu egkehimu he edsug̵ù a kenikew he himuwa nu is hustu,