2 Kurintu 2:9 - Manobo Western Bukidnon

⁹ Umba mibpeuwitan ku sikiyu te surat ku su wey ku maahà ke metinumanen kew ve te langun he menge sug̵ù ku.

2 Kurintu 2:9 Кръстосани препратки

2 Kurintu 10:6

Ne emun ibpeehè niw en he metinumanen kew te menge sug̵ù ni Kristu, ne zutun edsilutan dey is minsan hentei pa he tumutuu ziyan he kenè pa egkesuat he ebpemineg te menge sug̵ù din.

2 Kurintu 2:3

Umba, menge suled, iyan mibeelan ku zutun is mibpeuwitan ku zà sikiyu te surat. Su kenè ku zutun egkesuatan he ebpenumbaley a ziyan su netuenan ku he sikiyu is menge etew he kinahanglan pezem he iyan igkelipey ku, ne igkeseeng ku zutun. Ne netuenan ku zaan he emun egkelipey a, egkelipey kew zaan.

2 Kurintu 2:4

Dutun te kebpeuwiti ku keniyu te surat, utew ad neseeng. Mibmesakit is gehinawa ku ne mibpenig̵is is luhè ku. Iyan, kenè ku pezem dutun tuyù is wey kew meseeng, kekenà, egkesuatan ku he metueni niw he utew kew mahal zini te g̵ehinawa ku.

2 Kurintu 2:8

Edhengyuen ku keniyu he ipeehè niw kandin he tutuu iyan is gag̵ew niw kandin.

2 Kurintu 8:2

Minsan dutun te nekeantus dan te utew mepait he kemeresayan, ingkelipey zan utew g̵ihapun ne tenged kayi minsan pa te utew zan egkengeayuayu, utew zekelà is ingkeveg̵ey zan he tavang te menge zuma zan he tumutuu.

2 Kurintu 8:24

Ipeehè niw kandan is gag̵ew niw su wey metueni te menge tumutuu ziyà te minsan hendei he inged he tutuu iyan is gag̵ew niw te menge zuma niw, ne zutun egketuenan dan he tutuu is migkag̵i zey he metinevangen kew.

Pilipus 2:12

Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.

Pilipus 2:22

Si Timoteo, netuenan niw he hustu is menge ulaula zin. Iring sikandin te tutuu he anak ku te kedtevangi zin kedì te kedsengyawa kayi te Meupiya he Tudtulanen.

2 Tiselunika 3:14

Ke zuen minsan hentei he tumutuu he kenà ebpemineg te menge sug̵ù he insurat dey kayi te surat, kilelaa niw ne kenè kew mebpekiduma kandin su wey meeled sikandin,

Pilimun 1:21

Dekelà is kedsarig ku kayi te kebpesurati ku kenikew su netuenan ku he ebpemineg̵en a kenikew. Netuenan ku he zekelà is edhimuwen nu, kenà te idhangyù ku.