2 Kurintu 2:7 - Manobo Western Bukidnon

⁷ Ne g̵untaan kinahanglan he peseyluwa niw sikandin. Sembag̵i niw su kela ke maawà is kedsarig din te Megbevayà te utew subra he kegkeseeng din.

2 Kurintu 2:7 Кръстосани препратки

1 Kurintu 15:54

Ne zutun, sikitew is duen din kemetayen, ne kenè kiw en human ebpatey ne egketuman en haazà is insurat he Lalag te Megbevayà he edhenduen te, “Nepurung en maawà is gehem te kemetayen.”

2 Kurintu 2:8

Edhengyuen ku keniyu he ipeehè niw kandin he tutuu iyan is gag̵ew niw kandin.

2 Kurintu 5:4

Su sikita is tumutuu he uuyag pa zini te kelibutan, edlised ki su neveg̵atan ki kayi te menge kemereg̵enan he egkeantus kayi te kelibutanen he lawa ta, asal kenè ta iyan egkesuatan he meewai ta heini is lawa ta, kekenà, iyan egkesuatan ta is wey meveg̵ayi ki en pezem guntaan dutun te veg̵u he lawa he ebpuun diyà te langit, ne zutun egkeilisan is lawa he zuen din kemetayen te lawa he zuen din untung he wazà pidtemanan.

2 Kurintu 7:10

Su is kegkeseeng he egemiten te Megbevayà, egkehimu he igkehalin te g̵ehinawa te etew su wey melibri sikandin te silut. Ne kenà heini engayan he ibpekedsendit ta, iyan, is kegkeseeng te menge etew he kenà edsundan te Megbevayà, kenà igkehalin te g̵ehinawa zan ne tenged kayi kenà sikandan egkeveg̵ayan te untung he wazè din pidtemanan.

Ipisu 4:32

kekenà, mebpepurpurungè kew te kada sevaha keniyu. Mebpehidhizuwè kew, mebpepespeseyluwè kew iring te mibpesaylu kew te Megbevayà tenged te kebpekidsevaha niw ki Kristu.

Pilipus 2:27

Netigbak iyan sikandin is midaru umba kunaan ku ke ibpatey zin en, iyan, nehizuwan sikandin te Megbevayà. Ne nehizuwan a zaan te Megbevayà su ke mibpatey sikandin, neumanan en geina is menge seeng ku.

Kulusas 3:13

Ed-entusen ta, ne ebpeseyluwen ta is menge zuma ta he ebpekesupak kenita. Kinahanglan he iring te mibpesaylu kiw te Nengazen tew ebpepespeseyluwè kiw zaan.

1 Tiselunika 4:13

Menge suled, egkesuatan dey he metueni niw is egkeulaula te menge tumutuu he minatey en su wey kew kenà meseeng iring te kegkeseeng te zuma he menge etew he kenè dan egkeperateng he egkevanhew sikandan.

2 Tiselunika 3:6

Menge suled, tenged te keg̵ehem te ngazan te Nengazen tew he si Jesu Kristu he imbeg̵ey kenami, duen menge idsug̵ù dey keniyu. Iyan is: kenè kew mebpekiduma te tumutuu he tepulen he kenà edsunud te impenurù dey keniyu.