2 Kurintu 2:2 - Manobo Western Bukidnon

² Su emun igkeseeng a keniyu ne hentei is edlipey kedì? Wazà, su egkeseeng kew man kediey.

2 Kurintu 2:2 Кръстосани препратки

Mateo 19:22

Ne hein nezineg heini zutun te menguhed he etew, ne mid-ulì he utew mibmesakit is gehinawa zin su utew zekelà is ketig̵eyunan din.

Ruma 12:15

Ke zuen etew he zuen din igkelipey, melipey kew zaan tenged dutun te kelipey zin. Ne ke zuen etew he zuen igkeseeng din, keseeng kew zaan tenged dutun te igkeseeng din.

1 Kurintu 12:26

Ne ke egkezeruwan is sengeparti te lawa ta ne egkesekitan is tivuuk he lawa ta. Ne iring din ded daan ke ebpurungan is sengeparti ne igkezeyzey te tivuuk he lawa ta.

2 Kurintu 1:14

haazà is wazè niw pa maamin mesavut mehitenged te ed-ul-ulahan dey su wey zutun te andew te kedlikù te Nengazen tew he si Jesus, mehimu he igkelipey key keniyu iring te igkelipey zey zaan sikiyu.

2 Kurintu 11:29

Su ke zuen tumutuu he edlised su ebmeg̵uyà is kedtuu zin, ne edlised a zaan su egkeipeng a kandin. Ke zuen nepenulayan ne nekesalà, ne haazà is etew he nekepenuley kandin, utew ku igkeepes.

2 Kurintu 7:8

Su minsan ke pinaag̵i zutun te surat ku ne neseeng kew, neisip ku he meupiya utew te neveelan ku haazà. Hein aney, nekedsendit a su maan is neveelan ku is nehimu he ingkeseeng niw, iyan, petuluy zà naawà haazà is kegkeseeng niw.