2 Kurintu 2:14 - Manobo Western Bukidnon

¹⁴ Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

2 Kurintu 2:14 Кръстосани препратки

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Ruma 1:8

Iyan idhuna ku keniyu te ebpenudtul is: pinaag̵i ki Jesu Kristu ebpeselematan ku is Megbevayè tew tenged keniyu su nepenudtul ziyà te minsan hendei is kedtuu niw ki Jesu Kristu.

Ruma 15:19

pinaag̵i te menge singyal wey egkein-inuwan wey pinaag̵i zaan te g̵ehem te Wag̵as he Mulin-ulin. Midhipanew a puun diyà te inged he Hiruselim pehendiyà te inged he Iliriku ne mibpurungan ku te ebpesavut is Meupiya he Tudtulanen te keag̵i ni Kristu.

Ruma 6:17

Dengan iring te nengeuripen kew te mezaat he kebayà, iyan, guntaan utew zekelà is kebpeselemati ku te Megbevayà su mibpurungan niw te edtuman is tutuu he tuluuwen he impenurù keniyu.

Ruma 8:37

Ne minsan pa ke egkerasey ki kenè ki ebpetalew su ebpekeveg̵ey kenita te kelipey is ked-entusa ta kayi, ne pinaag̵i te g̵ehem ni Kristu, iyan ki ebpekezaag su utew zekelà is gag̵ew zin kenita.

1 Kurintu 12:8

Ne ziyà te zuma ibeg̵ey pinaag̵i te Wag̵as he Mulin-ulin is ketau te kedseysey te tutuu he tuluuwen; ne ziyà te zuma pa ibeg̵ey pinaag̵i te g̵ehem te Wag̵as he Mulin-ulin is ketau te kedseysey te memezalem he ibpepenurù te Megbevayà.

1 Kurintu 15:37

Ne haazà is ibpemula ta, ne venì dà duen. Egkehimu he parey is ibpemula ta, ne emun kenà, ne zuma pa he ibpemula. Iyan, haazà is benì he impemula, ne kenè en iyan sikan is lawa zin dutun te kedtuvù din.

1 Kurintu 15:57

Ne minsan pa zutun egkehimu he edelig̵en tew is Megbevayà su tenged te mid-ulaula zin, nezaag tew en is kemetayen pinaag̵i te Nengazen tew he si Jesu Kristu!

2 Kurintu 1:11

Ne kinahanglan he edtevangan key zaan keniyu pinaag̵i te ked-ampù. Ne human egkehimu he mezakel is ebpeselamat te Megbevayà tenged te g̵ag̵ew zin kenami tenged te ked-ampù te mezakel he menge etew.

2 Kurintu 8:16

Dekelà is kebpeselemati zey te Megbevayà su imbeg̵ey zin ki Tito is dekelà he g̵ustu te kedtavang keniyu iring te kenami zaan he g̵ustu.

2 Kurintu 9:15

Ne tenged kayi ebpeselematan ta is Megbevayà tenged te kebeg̵aya zin kenita te Anak din he wazà minsan hengkey he ebpekerepeng te kemahal zin.

Ipisu 5:2

Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

Ipisu 5:20

Peselemati niw layun te Amey tew he Megbevayà is langun he tuvad din keniyu tenged te kedsundan niw te Nengazen tew he si Jesu Kristu.

Pilipus 4:18

Nezawat ku en is impeuwit niw ne utew subra is imbeg̵ey niw. Ne kenà ad egkealang-alang su inhated en ni Ipepruditu zini is idtavang niw kedì. Iring heini te pemuhat he utew mehemut, he ke và dà egkeg̵iya, utew igkesuat te Megbevayà.

Kulusas 1:23

Iyan, kinahanglan he kenè niw engkezi is kedtuu te tutuu he tuluuwen, kekenà, lig-eni niw is kedtuu niw ne kenè kew medarà is ebpaabut te langun he impenaad te Megbevayà he nezineg niw zengan hein impenurù keniyu is Meupiya he Tudtulanen. Heini is nekag̵i he Meupiya he Tudtulanen, ne insangyew ziyà te menge etew ziyà te minsan hendei. Siak si Pablo, midsug̵ù a wey ku ikesangyew is Meupiya he Tudtulanen.

Kulusas 1:6

Heini is migkag̵i he Meupiya he Tudtulanen, pinaag̵i te kedtuu kayi, mezakel en he menge etew ziyà te minsan hendei he inged is mibmeupiya is menge ulaula zan. Ne kenà duen dà taman su ed-iseg ebmezakel is menge tumutuu pinaag̵i te Meupiya he Tudtulanen, iring te layun daan ed-iseg ebmezakel is menge tumutuu ziyan te keniyu puun pa zutun te andew zengan he nezineg niw is tudtul te g̵ag̵ew kenitew te Megbevayà wey netuenan niw he venar iyan.

Kulusas 2:15

Ne haazà is menge kedesenan he mezaat he mulin-ulin he zuen dan keg̵ehem te kebayàbayà, in-awà te Megbevayà is keg̵ehem dan, ne pinaag̵i te kedsulituwa zin kandan pinaag̵i te kebpatey ni Kristu ziyà te krus, impeehè din he wazè dan en kebpekesukul.

1 Tiselunika 1:8

Ebpuun diyan nekeeneb is Lalag te Nengazen, kenà diyan dà te prubinsya he Mesidunya wey ziyà te prubinsya he Gerisya, kekenà, is menge etew ziyà te minsan hendei, nezineg dan is tudtul mehitenged te kedtuu niw te Megbevayà. Wazè en kinahanglan he ibpenudtul zey pa ziyà te menge etew is kedtuu niw.

1 Tiselunika 3:9

Kenè pa hustu is kebpenigudu zey kebpeselamat te Megbevayà tenged keniyu, su utew zey sikiyu ingkelipey. Iyan ebpeketistig̵us kayi is Megbevayà.

1 Timoteo 2:8

Ne tenged kayi, is menge maama ziyà te langun he menge inged he meheg̵et is ked-engkezi zan te mezaat he ulaula, egkesuatan ku he med-ampù dan diyà te Megbevayà. Kinahanglan he wazà pauk dan te menge zuma zan wey wazè dan keduwazuwa.

2 Timoteo 2:2

Nezineg nu is kebpenurua ku te tutuu he tuluuwen diyà te mezakel he menge tumutuu; ne kinahanglan he ipenurù nu zaan heini diyà te menge etew he egkeserig̵an nu su wey mekepenurù dan daan te zuma.

Impezayag 7:12

Ne migkag̵i zan te, “Benar iyan su zait is Megbevayè tew he edelig̵en wey ebentug̵en wey edtehuzen wey ebpeselematan su iyan dà sikandin lavew he metau, iyan sikandin mekeg̵eg̵ehem wey mezesen; delig̵a sikandin te wazà pidtemanan!”