2 Kurintu 13:8 - Manobo Western Bukidnon

⁸ Su emun hustu is ed-ul-ulahan niw, sikami is epustul, kenà egkehimu he ibpeehè dey is keg̵ehem dey keniyu su wey zey zà ibpaahà is keg̵ehem dey ke edsupaken niw is hustu he ulaula.

2 Kurintu 13:8 Кръстосани препратки

Marcos 9:39

Ne ke si Jesus te, “Kenè niw zewaya is ed-ulaula te iring dutun su ke zuen etew he egkehimu zin is egkein-inuwan he vaal pinaag̵i te kegemita zin te ngazan ku, kenà sikandin leledayà egkehimu he kuntada ku.

2 Kurintu 10:8

Kenè en buwa kinahanglan he egkeg̵iyen ku keniyu he zuen kebayàbayà ku keniyu he imbeg̵ey kedì te Megbevayà. Iyan, ke henduen be te utew subra is idantal ku, kenè ku igkeeled heini su wazè din iyan iveg̵aya kayi te kebayàbayà dini te kediey su wey ku mezezeeti is kedtuu niw, kekenà, imbeg̵ey zin kediey su wey ku melig-eni is kedtuu niw.

2 Kurintu 13:10

Umba ebpesuratan ku sikiyu te zini e pa te meziyù su ke ebpekeuma a ziyan kenè en kinahanglan he meg̵amit ku is keg̵ehem ku te epustul te kedsilut. Imbeg̵ey kedì te Megbevayà heini is keg̵ehem. Kenà iyan imbeg̵aya zin kayi te keg̵ehem su wey maawà is upakat niw te tumutuu, kekenà, wey meheg̵et is upakat niw.

2 Kurintu 13:7

Id-ampù dey ziyà te Megbevayà he wazà ulaula niw he mezaat. Ne kenè dey iyan id-empua keniyu su wey metueni te menge etew he edtumanen niw is impenurù dey keniyu su maambe ke kenè niw ed-isipen he epustul key ni Kristu, asal, ed-ul-ulahan niw is hustu.

2 Kurintu 13:9

Egkelipey ad emun wazè niw supak, minsan ke henduen te wazè dey keg̵ehem. Ne kenà duen dà taman su id-ampù dey he mepurung meheg̵et is ked-ul-ulaha niw te hustu.

1 Timoteo 1:20

Duma kayi si Himinyu wey si Alejandro. Impevayàbayè ku si Setanas kandan wey ikepenurù kandan he kenè dan sumpelita is Megbevayà.