2 Kurintu 13:1 - Manobo Western Bukidnon

¹ Iketelu en heini te kebpenumbaley ku ziyan. Ke zuen etew he ebpehusey kedì ne zuen idsumbunga zin te zuma zin he tumutuu, kinahanglan he ebentayan ta is sug̵ù diyà te insurat he Lalag te Megbevayà he edhenduen te, “Ke zuen idsumbunga niw te zuma niw kinahanglan he edtistig̵usan te menge tetelu ne emun kenà ne menge zezuwa he etew.”

2 Kurintu 13:1 Кръстосани препратки

Mateo 18:16

Iyan, ke kenà ebpekidhusayà, peng-ehè ka te sevaha, ne emun kenà, ne zezuwa pa he tumutuu su wey mepirmahi zutun te zezuwa, emun kenà, ne tetelu haazà is kebitiyara niw.

2 Kurintu 12:14

Ed-endaman ku en is kedhendiyan ku ne iketelu en heini is kebpenumbaley ku ziyan te keniyu. Ne iring ded te nehuna, kenà egkehimu he ebuyù a keniyu te selapì. Kenè ku egkesuatan is selapì niw, kekenà, egkesuatan ku he mahala a keniyu ziyà te g̵ehinawa niw. Nehimu a he amey niw su pinaag̵i kedì neketuu kew te Megbevayà. Ne kenà egkehimu he ebuyuan is menge vatà te amey zan, kekenà, iyan ebuyù is menge vatà.