2 Kurintu 12:9 - Manobo Western Bukidnon

⁹ iyan, iyan tavak din kediey is, “Edtevangan ku sikew wey nu maantus ne hustu en. Su zekelà is egkehimu te g̵ehem ku ziyan te kenikew emun wazè nu en egkehimu,” ke sikandin. Ne tenged kayi utew ku egkesuati he idantal ku is kurang ku te ketau su wey a melig-eni te g̵ehem ni Kristu.

2 Kurintu 12:9 Кръстосани препратки

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Lucas 21:15

Su iyan e en metau te idtavak niw te menge insè dan. Ne ibeg̵ey ku zutun keniyu is ketau te ked-isip-isip wey kew meketavak. Ne zutun haazà is menge kuntada niw, kenè dan ebpeketavak te ketezengan niw ne kenè dan daan ebpekepeg̵intarù te tutuu he egkeg̵iyen niw.

1 Kurintu 10:13

Is minsan hengkey he ibpenuley kenita ni Setanas, ne kenà beg̵u su layun din en ibpenuley te menusiyà is iring dutun. Iyan, egkeserig̵an ta is Megbevayà su kenè din idtug̵ut he ebpenulayan ki te subra te egkeantus ta. Layun din ibeg̵ey kenitew is kelig-en su wey zuen paag̵i te kedlikayi ta he kenè ki mekeulaula te mezaat.

1 Kurintu 15:10

Iyan, utew zekelà is hizu kediey te Megbevayà. Umba nehimu a he epustul su zuen pulus te kegkehizuwi zin kediey. Tenged kayi, dekelà is nehimu ku kenà te nehimu te langun he menge zuma ku he epustul, asal, kenà a iyan is nekehimu kayi, kekenà, nehimu heini is langun pinaag̵i te tavang te Megbevayà.

1 Kurintu 2:3

Ne hein nekeuma a ziyan te keniyu utew a migkulbai su utew a egkehandek su kela ke kenè ku egkehimu is ebpeveelan kedì te Megbevayà.

1 Kurintu 2:5

su wey mehimu he kenà iyan niw meserig̵i is ketau te etew zà duen, kekenà, iyan niw meserig̵i is gehem te Megbevayà.

2 Kurintu 11:30

Kenè ku egkesuatan he edantal a, iyan, emun kinahanglan he ibpezantal a, idantal ku is menge kemeresayan he nengeeg̵iyan ku su pinaag̵i kayi egketuenan niw he zekelà is kurang ku te ketau.

2 Kurintu 12:1

Minsan pa te wazà pulus te kedantal ku, edantal e zed gihapun. Ne g̵untaan egkeg̵iyen ku keniyu is impezayag wey is impaahà kedì te Nengazen.

2 Kurintu 12:10

Ne meupiya en utew te g̵ehinawa ku is kurang ku te ketau, is kedsumpelita wey is pesipala kediey te menge etew, wey is menge kemereg̵enan wey is kemeresayan tenged te kedtuu ku ki Kristu. Su netuenan ku he emun wazè en kediey he ketau, dekelà is ibeg̵ey kediey ni Kristu he ketau.

2 Kurintu 12:15

Egkelipey a utew ke igkeveg̵ey ku is menge azen ku wey is desen ku wey ku sikiyu metevangi. Iyan, minsan pa te mahal kew zini te g̵ehinawa ku henduen be te kenà a mulà mahal ziyan te g̵ehinawa niw.

2 Kurintu 12:5

Ne egkehimu he idantal ku heini is nehitavù kandin, iyan, kenè ku iyan idantal is menge ketau ku, kekenà, iyan ku idantal haazà is ebpekepaahà te kurang ku te ketau.

Ipisu 3:16

Ne edhengyuan ku sikandin he puun te utew zekelà he g̵ehem din, beg̵ayi kew zin te utew melig-en he kedtuu pinaag̵i te ked-ulini keniyu te Wag̵as he Mulin-ulin,

Pilipus 4:13

Egkehimu ku is minsan hengkey he ibpeulaula kedì tenged te tavang ni Kristu he iyan edlig-en kedì.

Kulusas 1:11

Ne ibeg̵ey zin keniyu is dekelà he g̵ehem he ebpuun te zekelà he g̵ehem din, ne tenged kayi te g̵ehem layun niw egkeantus is kemereg̵enan he zekelà is kelipey niw.

1 Timoteo 1:14

Ne kenà dutun dà taman su utew ad ingkeg̵ag̵ew te Megbevayà ne g̵untaan neketuu ad ki Jesu Kristu ne utew en sikandin mahal zini te g̵ehinawa ku.

Hibriyuhanen 11:34

Ne is duma pa, tenged te kedtuu zan, wazè dan metutung te utew meinit he hapuy, ne is duma pa, wazà sikandan mehimetayi te menge kuntada zan. Ne is duma he utew meg̵uyà, nehimu sikandan he utew mezesen pinaag̵i te kedtuu zan. Nehimu zan he utew mevurut te kebpekidtebek ne nengezaag dan is menge sundaru te menge kuntada zan.

Hibriyuhanen 4:16

Ne tenged kandin, wazà igkelenew te isip tew te ked-uvey zutun te etuvangan te mekeg̵eg̵ehem he Megbevayà pinaag̵i te ked-ampù su utew velig̵eg̵awen is Megbevayà. Ingkehizu kiw zin ne edtevangan kiw zin dutun te timpu te menge kemereg̵enan.