2 Kurintu 12:1 - Manobo Western Bukidnon

¹ Minsan pa te wazà pulus te kedantal ku, edantal e zed gihapun. Ne g̵untaan egkeg̵iyen ku keniyu is impezayag wey is impaahà kedì te Nengazen.

2 Kurintu 12:1 Кръстосани препратки

Juan 16:7

Ne minsan pa kayi, benar iyan is egkeg̵iyen ku he igkezeyzey niw is ked-ewai ku keniyu su emun kenè ku sikiyu ed-ewaan, kenà ebpekehendini te keniyu is Menenavang. Ne emun ed-awà a, edsug̵uen ku sikandin dini te keniyu.

Juan 18:14

Iyan si Keyipas kes midsambag te menge Hudiyu he kinahanglan he ebpatey is sevaha he etew he elili te tivuuk he kehudiyuwan.

Nengeulaula 18:9

Ne mibpaahà ki Pablo is Nengazen hein mezukilem dutun ne migkeg̵iyan din te, “Kenè ka mahandek. Kenè nu engkezi, kekenà, ipenigudu nu is kebpesevuta nu te lalag ku,

Nengeulaula 23:11

Ne zutun te kebmezukilem din, mibpaahà ki Pablo is Nengazen tew he si Jesus ne migkag̵i te, “Sarig ke zà su iring te impenudtul nu is kedtuu nu kedì dini te Hiruselim, kinahanglan daan he ibpenudtul nu ziyà te inged he Ruma.”

1 Kurintu 10:23

Egkehimu, kun, he ed-ul-ulahan tew is minsan hengkey he meupiya. Ne venar iyan heeyan. Iyan, bahin kediey, iyan egkekag̵i ku is: mezakel is kenà meupiya he ed-ul-ulahan su kenà ebpeketavang. Minsan pa te egkehimu he ed-ul-ulahan tew is minsan hengkey, mezakel is ed-ul-ulahan he kenà ebpekeheg̵et te kedtuu te menge zuma tew.

1 Kurintu 14:6

Ne penenglitan, menge suled, ke ebpekeuma a ziyan ne iyan dà egkeg̵iyen ku keniyu is pinaag̵i zà te kineg̵iyan he kenè niw egketuenan, hengkey is pulus din? Deyzey ke idseysey ku keniyu is impesavut kedì te Megbevayà ne emun kenà haazà, ne kinahanglan he zuen ibpenurù ku keniyu he tuluuwen wey ke penurù be he impesavut kedì, ne human duen pulus te egkeg̵iyen ku.

1 Kurintu 6:12

Ne ke zuen egkag̵i he sikitew is tumutuu, egkehimu en he ed-ul-ulahan tew is minsan hengkey emun kenà mezaat su nelibri kiw en te kedtumana te kesug̵uan, ne utew venar heeyan, iyan, mezakel is ulaula he kenà ebpeketavang kenitew te kedtuu tew. Su minsan ke egkehimu he ed-ul-ulahan ku is minsan hengkey, kenè ku idtug̵ut he ed-uripenen a te minsan hengkey he ulaula.

2 Kurintu 12:11

Henduen a te tulebung he etew su edantal a, iyan, neteg̵el a keniyu su iyan kew pezem ebeg̵ey te menge ketezengan ku he idtavak keniyan te menge uvag kun epustul ni Kristu. Ne minsan pa te wazà kediey he ketau wazà a g̵ihapun melevawi kayi te uvag menge utew lavew he kenà tutuu he epustul ni Kristu.

2 Kurintu 12:5

Ne egkehimu he idantal ku heini is nehitavù kandin, iyan, kenè ku iyan idantal is menge ketau ku, kekenà, iyan ku idantal haazà is ebpekepaahà te kurang ku te ketau.

2 Kurintu 12:7

Mibeg̵ayan a te Megbevayà te utew merasey he zaru su wey ku kenà ikezantal is utew meupiya he nengeehè ku ziyà te langit. Ne heini is daru, ne egemiten ni Setanas he idrasey kedì, ne pinaag̵i kayi kenà a ebpekepelavew.

2 Kurintu 12:9

iyan, iyan tavak din kediey is, “Edtevangan ku sikew wey nu maantus ne hustu en. Su zekelà is egkehimu te g̵ehem ku ziyan te kenikew emun wazè nu en egkehimu,” ke sikandin. Ne tenged kayi utew ku egkesuati he idantal ku is kurang ku te ketau su wey a melig-eni te g̵ehem ni Kristu.

2 Kurintu 8:10

Iyan sambag ku keniyu is: himesaza niw haazà is kedtig̵uma niw te selapì he mibpuunan niw zutun te nehuna he tuig. Iyan kew nehuna te kedtig̵um te selapì wey metevangi is menge tigHudiya, ne kenà duen dà taman su heini he isip te kedtavang kandan, ne ziyan ebpuun te keniyu.

Gelasya 1:12

su wazà keg̵iya kediey te minsan hentei he etew ne wazà daan ipenurù kediey te etew, kekenà, impinted kediey ni Jesu Kristu.

Gelasya 2:2

Umba midhendiyà a su impinted kedì te Megbevayà haazà is kedhendiyè ku. Ne kebpekeuma zey zutun ne midtig̵um is menge egalen te menge tumutuu he iyan dan dà ne impesavut ku kandan ke hengkey is Meupiya he Tudtulanen he ibpenurù ku ziyà te menge etew he kenà menge Hudiyu. Egkesuatan ku zutun he kenà maawà is pulus te nengeveelan ku en wey is kemulu ku pa ebeeli.

Ipisu 3:3

In-eles dengan heini, iyan, impesavut din kediey. Mehitenged kayi, duen ingkepesavut ku en keniyu pinaag̵i te surat.

1 Tiselunika 4:15

Lalag en te Nengazen heini is egkeg̵iyen dey keniyu ne iyan is: sikitew is uuyag pa keuzemà te timpu te kedlikù te Nengazen, kenè kiw egkehuna te menge tumutuu he minatey en.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.